ریاض : سعودی محکمہ پاسپورٹ نے واضح کیا ہے کہ اپنے ویزے پر فائنل ایگزٹ لگوانے کے بعد 60روز کے اندر مملکت سے نکل جانا ضروری ہے، بصورت دیگر ایک ہزار ریال جرمانہ عائد کیا جائے گا۔
اس حوالے سے سعودی محکمہ پاسپورٹ کا کہنا ہے کہ فائنل ایگزٹ لگوانے والے غیر ملکی شخص کو ملک میں زیادہ سے زیادہ60 دن تک رہنے کا اختیار دیا گیا ہے تاکہ وہ اس مہلت کے دوران اپنے معاملات نمٹالے، اس مدت میں اس شخص سعودی عرب میں قیام قانونی سمجھا جاتا ہے۔
محکمہ پاسپورٹ کے مطابق60روز گزرنے کے بعد سعودی عرب میں قیام غیر قانونی تصور کیا جائے گا اور اس شخص کیخلاف کارروائی کی جائے گی۔
محکمے نے وضاحت کی ہے کہ فائنل ایگزٹ کے قوانین کی خلاف ورزی پر ایک ہزار ریال جرمانہ عائد کیا جائے گا اور مدت ختم ہوجانے پر غیر ملکی شخص کو اپنا پرانا ویزہ منسوخ کروا کے نیا فائنل ایگزٹ لگوانا ہوگا۔ اس کیلئے ضروری ہے کہ غیر ملکی کے اقامے کی مدت باقی ہو۔
محکمہ پاسپورٹ کے ترجمان کا مزید کہنا ہے کہ اگر فائنل ایگزٹ کی مدت60 دن کی مدت ختم ہوگئی اور غیر ملکی کا اقامہ بھی ختم ہوگیا تو دوبارہ فائنل ایگزٹ نہیں لگے گا۔
مزید پڑھیں: فائنل ایگزٹ کیسے ممکن ہے؟ سعودی حکومت نے بتا دیا
اس کے بعد اس شخص کا سعودی عرب میں قیام غیر قانونی تصور کیا جائے گا اور ایسے شخص کے ساتھ مؤثر اور مربوط قانونی کارروائی کی جائے گی۔
