ماورا حسین نے وکالت کی ڈگری حاصل کرلی -
The news is by your side.

Advertisement

ماورا حسین نے وکالت کی ڈگری حاصل کرلی

اداکارہ نے وکالت کے امتحان میں 85 فیصد نمبروں سے کامیابی حاصل کی تھی

کراچی: پاکستانی اداکارہ ماورا حسین نے وکالت کی ڈگری حاصل کرلی، اب وہ اداکاری کے ساتھ وکیل کے فرائض بھی انجام دے سکیں گی۔

تفصیلات کے مطابق ماور ا حسین کا شمار پاکستانی شوبز انڈسٹری کی اُن اداکارؤں میں ہوتا ہے جنہوں نے کم عمری سے ہی اداکاری کے میدان میں قدم رکھا اور اپنی صلاحیتوں کا لوہا منوایا۔

ماورا نے شوبز  انڈسٹری کی مصروفیات کے باوجود کبھی بھی اپنی تعلیم پر سمجھوتہ نہیں کیا اسی وجہ سے وہ بالاًخر وکیل بننے میں کامیاب بھی ہوئیں۔

مزید پڑھیں: سالگرہ کی خوشی، ماورا حسین کا ایک لاکھ روپے ڈیم فنڈ میں دینے کا اعلان

اداکارہ نے گزشتہ برس اگست میں ایل ایل بی کے امتحانات میں امتیازی نمبروں سے کامیابی حاصل کی، انہوں نے 85 فیصد نمبروں سے وکالت کا امتحان پاس کیا تھا۔

ماورا نے سماجی رابطے کی ویب سائٹ انسٹاگرام پر اپنی تصویر شیئر جس کے ساتھ انہوں نے لکھا کہ ’اللہ تعالیٰ بہت غفور و رحیم ہے، میرے والدین نے وکالت پڑھنے میں میری بہت زیادہ مدد کی اور اپنا تعاون بھی پیش کیا۔ انہوں نے دعائیں کرنے والے مداحوں اور عزیز و اقارب کا شکریہ ادا کرتے ہوئے اللہ کا شکر بھی ادا کیا‘۔

انہوں نے اپنی ایک اور تصویر سماجی رابطے کی ویب سائٹ ٹویٹر پر بھی شیئر کی جس میں ماورا نے لکھا کہ اللہ کا شکر ہے اب سے میں ایڈوکیٹ اداکار ہوں۔

وکالت کی ڈگری ملنے پر انہیں ساتھی فنکاروں اور مداحوں نے مبارک باد پیش کرتے ہوئے مستقبل میں مزید کامیابیاں سمیٹنے کی دعا دی۔

Comments

comments

یہ بھی پڑھیں