آئندہ2دن میں سعودی عرب سےایک ارب ڈالرپاکستان کو مل جائیں گے ،اسد عمر
The news is by your side.

Advertisement

آئندہ2دن میں سعودی عرب سےایک ارب ڈالرپاکستان کو مل جائیں گے ،اسد عمر

کراچی : وزیرخزانہ اسدعمر کا کہنا ہے کہ آئندہ2دن میں سعودی عرب سےایک ارب ڈالرپاکستان کو مل جائیں گے، پاکستانیوں کی دبئی میں 4ہزار غیرقانونی جائیداد کا پتہ لگایا ہے، بیرون ممالک اثاثوں کی واپسی پرکام ہورہا ہے۔

تفصیلات کے مطابق کراچی میں وزیرخزانہ اسدعمر اوورسیزچیمبرآف کامرس اینڈانڈسٹریز پہنچے اور صدر اوورسیز چیمبرعرفان وہاب کی سربراہی میں 6رکنی وفد سے ملاقات کی، اسد عمر نے کہا سرمایہ کاروں کاسرمایہ کاری کے لیے اعتماد بحال کرنے کی ضرورت ہے، ملک میں مختلف سیکٹرز میں سرمایہ کاری کےمواقع ہیں۔

وفد کا کہنا تھا کہ توانائی،آئی ٹی سیکٹر سمیت انجینئرنگ میں سرمایہ کاری کے خواہش مند ہیں، یورپ، ترکی، ملائیشیا اور عرب ممالک سے سرمایہ کار تیارہیں، سہولتیں فراہم کرنے کے لیے اوورسیز چیمبر کردار ادا کرسکتا ہے۔

اس موقع پر میڈیا سے گفتگو کرتے ہوئے  وزیرخزانہ نے کہا ایف اےٹی ایف ایک سنجیدہ معاملہ ہے ، ہنڈی حوالہ دہشت گردی اور غیرقانونی سرگرمیوں کے لیے ہے، پاکستانیوں کی دبئی میں  4 ہزار غیرقانونی جائیداد کا پتہ لگایا ہے۔

پاکستانیوں کی دبئی میں 4ہزارغیرقانونی جائیداد کا پتہ لگایاہے

اسد عمر وزیرخزانہ

اسد عمر کا کہنا تھا کہ حکومت صنعتی پیداوار بڑھانے پر فوکس کررہی ہے ، صنعت کاروں کےمسائل اورتجاویزبہت اہم ہیں، معیشت کی بہتری کے لئے تمام اقدامات اٹھائے جارہے ہیں اور کرپشن پر قابو اور لوٹی گئی دولت واپس لانے کے لیے بھی اقدامات کر رہے ہیں ، اتفاق کرتا ہوں ٹارگٹ غیرفطری ہےاورکم بھی ہے، ٹیکس نیٹ میں کمی کی بڑی وجہ نااہلی اورسیاسی گٹھ جوڑہے۔

کے الیکٹرک کے حوالے سے انھوں نے کہا کےالیکٹرک کی نجکاری اہم معاملہ ہے ، ملک کے سب  سے بڑے شہر کی بجلی کا معاملہ ایسے نہیں چھوڑ سکتے،  دونوں فریق کےدرمیان معاملات طے کرنے کے لیے کمیٹی بنادی ہے، کے الیکٹرک کا معاملہ جلدحل کریں گے کوشش ہے کہ حکومت کی وجہ میں تاخیر نہ ہو۔

اسد عمر کا کہنا تھا کہ 300 ارب روپے کے ٹیکس واجبات کے کیس عدالتوں میں ہیں ، بیرون ملک اکاؤنٹ ہولڈرزکوبھی نوٹس جاری ہونا شروع ہوگئے ہیں، بیرون ملک جائیدادرکھنے والوں کو بھی نوٹس بھیجے جارہے ہیں۔

وزیرخزانہ نے کہا آئی ایم ایف کے تکینکی وفد سے مذاکرات جاری ہیں اور پیکج کےحجم کےحوالےسےبات چیت لیڈر شپ سے مذاکرات میں شروع کی جائے گی، آئندہ2دن میں سعودی عرب سے ایک ارب ڈالر پاکستان کو مل جائیں گے۔

Comments

comments

یہ بھی پڑھیں