معیشت کی بہتری کے لیے اقدامات کررہے ہیں، اسد عمر federal minister asad umar
The news is by your side.

Advertisement

معیشت کی بہتری کے لیے اقدامات کررہے ہیں، اسد عمر

اسلام آباد: وزیر خزانہ اسد عمر نے کہا ہے کہ توانائی سیکٹر میں بہت زیادہ نقصانات ہوئے ہیں جس سے معیشت بیٹھ گئی ہے، معیشت کی بہتری کے لیے اقدامات کررہے ہیں۔

تفصیلات کے مطابق وفاقی وزیر خزانہ اسد عمر نے کہا ہے کہ رئیل اسٹیٹ کے شفاف نظام کے لیے ماہرین سے تجاویز مانگی ہیں، صنعت، ایکسپورٹ میں بہتری آنے سے لوگ سرمایہ کاری کریں گے، ابھی کرنٹ اکاؤنٹ خسارے میں کمی آئی ہے۔

ہر ادارے کا علاج اس کی نجکاری نہیں ہوتا ہے

اسد عمر

وزیر خزانہ نے کہا کہ حالیہ اقدامات سے ایکسپورٹ میں اضافہ اور امپورٹ میں کمی آئی ہے، اگر صنعت اور ایکسپورٹ میں بہتری آئے گی تو لوگ سرمایہ کاری کریں گے، خسارے میں چلنے والے اداروں کے فنڈز سے متعلق جلد فیصلہ ہوگا، پالیسیوں پر عملدرآمد کے لیے اچھے افسر نہیں ہوں گے تو تبدیلی نہیں آئے گی۔

انہوں نے کہا کہ رئیل اسٹیٹ کے شفاف نظام کے لیے ماہرین سے تجاویز مانگی ہیں جبکہ پی آئی اے، اسٹیل مل نجکاری ہونی ہوتی تو گزشتہ حکومت کرچکی ہوتی، ہر ادارے کا علاج اس کی نجکاری نہیں ہوتا ہے۔

مزید پڑھیں: آخری بار آئی ایم ایف کے پاس جارہے ہیں: اسد عمر

یاد رہے کہ گزشتہ ہفتے وزیر خزانہ اسد عمر کا کہنا تھا کہ معیشت کا بنیادی ڈھانچہ ٹھیک کریں گے تو روپے کی قدر مستحکم ہوگی، پاکستان کے لئے بیل آؤٹ پیکیج ناگزیر ہے۔

اسد عمرکا کہنا تھا کہ ہم نے کبھی یہ دعویٰ نہیں کیا کہ آئی ایم ایف کے پاس نہیں جائیں گے۔ ان کا کہنا تھا کہ پاکستان پہلے بھی 18 بار آئی ایم ایف پروگرام میں جاچکا ہے۔

Comments

comments

یہ بھی پڑھیں