The news is by your side.

Advertisement

حکومت کے پاس وسائل کم ہوں تو بھی اچھے پروجیکٹ کم نہ کیے جائیں: وزیر خزانہ پنجاب

صوبے میں مائیکرو لیول پر بہتری لانے کی کوشش کی جا رہی ہے: ڈاکٹر سلمان شاہ

لاہور: وزیر خزانہ پنجاب ہاشم جواں بخت نے پنجاب حکومت کو مشورہ دیا ہے کہ اگر حکومت کے پاس وسائل کم بھی ہوں تو اچھے منصوبے کم نہ کیے جائیں۔

تفصیلات کے مطابق آج لاہور میں وزیر خزانہ پنجاب نے وزیر اعلیٰ کے مشیر برائے خزانہ سلمان شاہ کے ہم راہ پریس کانفرنس کی، انھوں نے کہا کہ حکومت کو اچھے پروگرام ختم نہیں کرنے چاہئیں۔

ہاشم جواں بخت کا مؤقف تھا کہ وسائل کم بھی ہوں تو حکومت اچھے پروجیکٹ کم نہ کرے، پبلک پرائیویٹ پارٹنرشپ کا ہمارا ماڈل سب سے بہتر ہوگا۔

اس موقع پر مشیر خزانہ وزیر اعلیٰ پنجاب ڈاکٹر سلمان شاہ نے کہا کہ صوبے میں مائیکرو لیول پر بہتری لانے کی کوشش کی جا رہی ہے، پنجاب کے شہروں میں ترقیاتی کام شروع کرنے پر بھی غور کر رہے ہیں، اور ترقیاتی کام تیز کرنے پر تبادلہ خیال جاری ہے۔

انھوں نے کہا کہ پنجاب میں معیشت کو بہتر بنایا جائے گا، چیزیں بڑی تیزی سے آگے لے کر جائیں گے، پنجاب بڑا صوبہ اور بہت بڑی مارکیٹ ہے، یہاں ترقی ہوگی تو پورا ملک ترقی کرے گا، اس لیے پنجاب میں مائیکرو لیول پر ترقی ہونی چاہیے۔

ڈاکٹر سلمان شاہ نے کہا کہ صوبے میں انفرا اسٹرکچر بن رہا ہے، کوشش ہے روز گار کے مواقع پیدا کر سکیں، پنجاب میں ہمارے 500 پروجیکٹ انڈسٹری سے متعلق ہیں، ٹرانسپورٹ سمیت صحت کے بھی پروجیکٹ ہیں۔

Comments

comments

یہ بھی پڑھیں