The news is by your side.

Advertisement

ایک سال میں 2091 ارب روپے سود پر خرچ کیے گئے: وزارت خزانہ

اسلام آباد: وزارت خزانہ کا کہنا ہے کہ جولائی 2018 سے جون 2019 تک آمدن 4 ہزار 900 ارب سے زائد رہی، سود کی ادائیگیوں پر 2091 ارب روپے خرچ کیے گئے۔

تفصیلات کے مطابق وزارت خزانہ نے گزشتہ مالی سال کے مالیاتی آپریشن سے متعلق تفصیلات جاری کردیں، رپورٹ کے مطابق گزشتہ برس بجٹ خسارہ 8.9 فیصد ریکارڈ کیا گیا۔

وزارت خزانہ کا کہنا ہے کہ جولائی 2018 سے جون 2019 تک آمدن 4 ہزار 900 ارب سے زائد رہی، گزشتہ برس کل ٹیکس آمدن 4473 ارب روپے رہی۔ وفاقی حکومت نے 4071 ارب روپے کا ٹیکس اکٹھا کیا۔

رپورٹ کے مطابق صوبوں نے 401 ارب روپے کے ٹیکس اکٹھے کیے، نان ٹیکس آمدن کی مد میں 427 ارب روپے موصول ہوئے، 8345 ارب روپے سے زائد کے اخراجات کیے گئے۔ سود کی ادائیگیوں پر 2091 ارب روپے خرچ کیے گئے۔

وزارت خزانہ کا کہنا ہے کہ دفاع پر 1146 ارب روپے خرچ کیے گئے، گزشتہ برس بجٹ خسارہ 3444 ارب روپے ریکارڈ کیا گیا۔ بیرونی وسائل سے 416 ارب اور اندرونی ذرائع سے 3028 ارب قرض لیا گیا۔

Comments

comments

یہ بھی پڑھیں