The news is by your side.

’’تصویر میں چھپے 16 جانور تلاش کریں‘‘ 150 سال سے لوگوں کے ذہن الجھاتی تصویری پہیلی

آج ہم آپ کے لیے 150 سال پرانی تصویری پہیلی لائے ہیں جس میں منظر میں چھپے 16 جانور اور انسانی چہرے آپ نے تلاش کرنے ہیں۔

سوشل میڈیا پر ان دنوں بصری دھوکے پر مبنی پہیلیاں کچھ زیادہ ہی مقبولیت حاصل کر رہی ہیں یہی وجہ ہے کہ ان دنوں روزانہ انٹرنیٹ پر متعدد ایسی پہیلیاں بوجھی جا رہی ہیں جو آنکھوں کو دھوکا دیتی تصاویر پر مبنی ہوتی ہیں اور بعض اوقات پہیلی بوجھتے بوجھتے انسان کا ذہن ہی الجھنے لگتا ہے۔

آج جو ہم آپ کے سامنے ایسی دلچسپ تصویری پہیلی لائے ہیں یہ نہ صرف آپ کی ذہنی چوکسی کو ظاہر کرے گی بلکہ آپ کی بصارت کا بھی امتحان ہوگا مگر اس کے لیے آپ کو بظاہر نظر آنے والے منظر کو زرا گہرائی میں جاکر دیکھنا ہوگا۔

تو تصویر آپ کے سامنے ہے، جس میں بظاہر ایک جنگل اور درختوں کا جھنڈ نظر آ رہا ہے، ایک لومڑی نما جانور درخت پر چڑھنے کی کوشش کرتا اور دوسری جانب درخت کی شاخ پر بیٹھے تین عقاب نظر آ رہے ہیں، لیکن کیا تصویر میں صرف یہی ہے؟ نہیں بلکہ اس تصویر میں چھپے میں 16 انسانی اور جانوروں کے چہرے جن کو ڈھونڈنا ہی آپ کی اصل صلاحیتوں کا امتحان ہے لیکن یہ کام جوئے شیر لانے کے مترادف بھی ہوسکتا ہے۔

جنگل کے منظر والی یہ پہیلی دماغ کو الجھانے کی اچھی صلاحیت رکھتی ہے، The Puzzled Fox کے نام سے یہ دماغ الجھانے والی تصویری پہیلی 150 سال سے یہ لوگوں کے ذہنوں کو جھنجھوڑنے کی کوشش کر رہی ہے۔

اس دلچسپ اور نظروں کو دھوکا دیتی پینٹنگ کو 1872 میں امریکی پرنٹ میکرز کریئر اور آئیوس نے تیار کیا تھا، ڈیڑھ صدی گزر جانے کے باوجود اس کا سحر اب تک ختم نہیں ہوا ہے یہی وجہ ہے کہ دی پزلڈ فوکس نے اسے انٹرنیٹ پر نئے صارفین کیلیے پیش کردیا ہے۔

اگر آپ کو تصویر میں مطلوبہ جانور اور انسانی چہرے تلاش کرنے میں مشکل پیش آ رہی ہے تو ہم آپ کی آسانی کے لیے کچھ اشارے دیتے ہیں شاید یہ آپ کی مدد کرسکیں۔

جنگل کی اس تصویر میں ایک لومڑی اور تین عقاب کے علاوہ گھوڑا، بھیڑ کا بچہ، کبوتر، سؤر کے علاوہ دیگر جانور بھی چھپے ہیں، اس کے علاوہ بائیں طرف درخت کے تنے میں کوشش کرنے سے تین انسانی چہرے بھی بھیس بدلے ہوئے ملیں گے، جب کہ دو انسانی چہرے دائیں جانب درخت میں موجود ہیں، صرف یہی نہیں بلکہ جنگل کی زمین پر کچھ اور چہرے بھی موجود ہیں۔

اگر اتنے واضح اشاروں کے باوجود آپ تصویر میں چھپے تمام 16 جانور اور انسانوں کو نہیں ڈھونڈ سکیں ہیں تو پھر نیچے جاکر تصویر میں جواب دیکھیں۔

Comments

یہ بھی پڑھیں