تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نوجوان نے ایسا کیا کیا، کہ ہزاروں خواتین نے شادی کی پیشکش کر دی

لندن: برطانیہ میں مقیم ایک مسلم نوجوان کو دنیا بھر سے ہزاروں خواتین کی جانب سے شادی کی پیش کش ہوئی ہے۔

تفصیلات کے مطابق لندن میں ضرورت رشتہ کا اشتہار دینے والے نوجوان محمد ملک کی لاٹری نکل آئی ہے، دنیا بھر سے ہزاروں خواتین نے انھیں شادی کی پیش کش کر دی ہے۔

محمد ملک کا کہنا ہے کہ انھوں نے خواب میں بھی نہیں سوچا تھا کہ ضرورت رشتہ کا اشتہار اتنا پھیل جائے گا۔

انھوں نے کہا کچھ کمپنیاں میرے لیے شیروانی تیار کرنے کو بے تاب ہیں لیکن میں نے ابھی تک کسی رشتے کے لیے حامی نہیں بھری۔ واضح رہے کہ 29 سالہ محمد ملک نے کچھ روز قبل بل بورڈ پر ضرورت رشتہ کا اشتہار دیا تھا۔

محمد ملک پنجابی خاندان سے تعلق رکھتے ہیں اور برطانوی دارالحکومت لندن میں انوویشن کنسلٹنٹ کی حیثیت سے کام کرتے ہیں جب کہ اپنا کاروبار بھی چلا رہے ہیں۔

‘مجھے ارینج میرج سے بچائیں’ نوجوان نے شادی کیلئے بل بورڈز لگادئیے

محمد ملک نے ارینج میرج سے بچنے کے لیے چند دن قبل ایسے بل بورڈز لگائے جن پر ان کی تصویر لگی تھی اور ساتھ ہی لکھا تھا ‘مجھے ارینج میرج سے بچائیں’، انھوں نے اپنے لیے دلہن ڈھونڈنے کے سلسلے میں ایک ویب سائٹ بھی بنائی جس پر ان سے متعلق تمام تفصیلات درج ہیں۔

انھوں نے لکھا کہ انھیں ایک ایسی ساتھی کی ضرورت ہے جس کا مذہب اسلام ہو اور وہ اپنی روایات اور مذہب کو اچھے طریقے سے لے کر چلنے والی ہو۔

Comments

- Advertisement -