تحریک انصاف کے ایم پی اے کیخلاف اغوا کا مقدمہ درج -
The news is by your side.

Advertisement

تحریک انصاف کے ایم پی اے کیخلاف اغوا کا مقدمہ درج

ملتان : تحریک انصاف کے رکن پنجاب اسمبلی ظہیر الدین علی زئی کیخلاف نوجوان کے اغوا برائے تاوان کا مقدمہ درج کرلیا گیا۔

پولیس کے مطابق اغوا کے مقدمے میں پی ٹی آئی کے ایم پی اے ظہیرالدین علی زئی سمیت تیرہ افراد کو نامزد کیا گیا ہے ، ملزمان نے مہرمنیرنامی نوجوان کو اغوا کرکے اس کے اہل خانہ سے ایک کروڑ پچاس لاکھ روپے تاوان طلب کیا تھا۔

پولیس کا کہنا ہے کہ مغوی کے اہل خانہ نے ایک کروڑ بیس لاکھ روپے تحریک انصاف کے رکن پنجاب اسمبلی ظہیرالدین کے اکاؤنٹ میں منتقل کیے تھے۔

دوسری جانب ایم پی اے ظہیرالدین نے مقدمہ کو سراسر جھوٹا قرار دیتے ہوئے کہا ہے کہ مخالفین حلقے میں ان کی ساکھ خراب کرنے کیلئے اوچھے ہتھکنڈے استعمال کررہے ہیں.

Comments

comments

یہ بھی پڑھیں