The news is by your side.

رانا ثنا اللہ کے خلاف مقدمہ درج

لاہور: وفاقی وزیر برائے داخلہ رانا ثنا اللہ کے خلاف گجرات میں مقدمہ درج کرلیا گیا۔

اے آر وائی نیوز کے مطابق تھانہ گجرات میں شہری شہکاز اسلم کی جانب سے دائر کردہ درخواست پر وزیر داخلہ رانا ثنا اللہ کے خلاف ایف آئی آر درج کی گئی ہے۔

ایف آئی آر کے متن کے مطابق رانا ثنا نے انتظامیہ، عدلیہ اور دیگر سرکاری ملازمین کو دھمکیاں دیں۔

مقدمے کی درخواست میں کہا گیا کہ وزیر داخلہ رانا ثنا کے خلاف مقدمہ درج کرکے کارروائی کی جائے انہوں نے عدلیہ کے گھیراؤ، ججوں کو آئینی کام سے روکنے کی دھمکی دی۔

رانا ثنا کے خلاف اندراج مقدمہ کے لیے درخواست دائر

مقدمے کے متن کے مطابق رانا ثنا نے کہا عدالت اورہر اس ججز کا گھیراؤ کریں گے جو ایجنڈے کو پروان چڑھائے گا۔

واضح رہے کہ اس سے قبل پی ٹی آئی ضلع میانوالی کے صدر نے وزیرداخلہ رانا ثناللہ، مریم نواز،نوازشریف ، وزیراعظم شہبازشریف کے خلاف مقدمے کی درخواست دائر کی۔

درخواست میں کہا گیا کہ راناثنانے چیف سیکریٹری پنجاب ، کمشنر لاہور کو بھی سنگین نتائج کی دھمکیاں دیں، دھمکی آمیزبیان جیو ٹی وی پرچلنےکی وجہ سے پنجاب بیوروکریسی میں خوف و ہراس پھیلا۔

پی ٹی آئی ضلع میانوالی کے صدر کا کہنا تھا کہ خواجہ آصف ،رانا ثنا نے بیانات مریم نواز، شہباز اور نوازشریف کے کہنے پر دیے۔

Comments

یہ بھی پڑھیں