The news is by your side.

Advertisement

مریم بلاول ابو بچاؤ مہم پر اکٹھے ہوئے، بینظیرکی روح تڑپ گئی ہوگی، فردوس عاشق

اسلام آباد : معوان خصوصی برائے اطلاعات فردوس عاشق اعوان نے کہا ہے کہ آج فادرز ڈے پر دونوں سیاسی رہنما ابو بچاؤ مہم پر رائیونڈ میں اکٹھے ہوئے، شہید بینظیر بھٹو کی روح تڑپ رہی ہوگی۔

ان خیالات کا اظہار انہوں نے بلاول بھٹو اور مریم نواز کی ملاقات پر اپنے ردعمل میں کیا، اسلام آبا دمیں فردوس عاشق اعوان نے کہا کہ عوام کی مہنگائی اور مشکلات کی بات کرنے والے اپنے منہ میں سونے کا چمچہ لے کر پیدا ہوئے۔

بجٹ حکومت کا نہیں پاکستان کے عوام اور ریاست کی ضرورت ہے، بجٹ منظور کرانا قوم کی آئینی ضرورت ہے، حکومت اتحادیوں کے ساتھ مل کر بجٹ منظور کرائے گی، سیاسی یتیموں کاٹولہ ہاتھ ملتا رہ جائے گا۔

ان کا مزید کہنا تھا کہ شہید بینظیر بھٹو کے جانشین آج اپنے ابو کی کرپشن بچانے رائیونڈ گئے، جس پر شہید بینظیر بھٹو کی روح بھی تڑپ رہی ہوگی، آج فادرز ڈے پر دونوں جماعتیں ابوبچاؤ مہم پر اکٹھے ہوئے۔

دونوں کے ابو اپنی کرتوتوں کا حساب دینے اصل جگہ پر ہیں، بچوں کا والد کے بغیر فادرزڈے منانے کا موقع آتا ہے تو درباری ساتھ آتے اور جاتے ہیں، محلات میں درباریوں کا آنا جانا معمول کی کارروائی ہے۔

فردوس عاشق اعوان نے کہا کہ یہاں دو مریم ہیں اس پر بھی قوم کو کنفیوژن ہوتی ہے، ایک مریم راج کماری اور دوسری ان کی کنیز ہے، راج کماری جو ڈکٹیٹ کرتی ہیں وہ کنیز مریم آکر بول دیتی ہیں۔

عمران خان کو مشورے دینے والی کنیز خاص سن لیں، ان جیسے ذہنی مریضوں کے لئے ایک ڈاکٹر مختص ہے، اس علاج گاہ میں ذہنی مریضوں کا علاج ہوگا، کنیزخاص تشریف لائیں، مریم کیلئے مناسب وقت پر علاج کیلئے نسخے تجویز کرنے جارہی ہوں۔

ایک سوال کے جواب میں انہوں نے کہا کہ ن لیگ اور پیپلزپارٹی نے آج ہمیں غیر نمائندہ حکومت کہا ہے، یہ وہی آئین ہے جس کے تحت لیڈرآف ہاؤس اور اپوزیشن لیڈر کا تعین ہوتا ہے۔

مریم نواز کو سب سے بڑی عدالت نے پارلیمنٹ کیلئے نااہل قراردیا، کیا کبھی آپ کو ضمیر نے جھنجھوڑا نہیں کیا کبھی زبان لڑکھڑاتی نہیں، مریم صفدر بیرونی ایجنڈے پر حکومت پر تنقید کررہی ہیں۔

Comments

comments

یہ بھی پڑھیں