The news is by your side.

Advertisement

وزیراعظم عمران خان اس وقت پاکستان کا مقدمہ لڑ رہے ہیں ، فردوس عاشق اعوان

ڈالر کی قیمت میں اتارچڑاوکےذمہ دار وہ ہےجوملک کو قرضے میں ڈبوکرچلےگئے

اسلام آباد : معاون خصوصی برائے اطلاعات فردوس عاشق اعوان کا کہنا ہے کہ ڈالر کی قیمت میں اتار چڑھاؤ کے ذمہ دار وہ ہے، جو ملک کو قرضے میں ڈبو کر چلے گئے، صرف آٹھ ماہ کی حکومت اس کی جوابدہ نہیں، وزیراعظم عمران خان اس وقت پاکستان کامقدمہ لڑرہےہیں۔

تفصیلات کے مطابق معاون خصوصی برائے اطلاعات فردوس عاشق اعوان نے اپنے بیان میں کہا وزیراعظم سےملاقات میں انہوں نےترجیحات سےآگاہ کیا، وزیراعظم نےکہاتھاوزارت سےمتعلق محکموں میں ریفارمزکرنی ہیں۔

معاون خصوصی کا کہنا تھا وزارت میراذاتی نہیں پاکستان کاادارہ ہے، دنیابھرمیں پاکستان کےخلاف منفی پروپیگنڈا کیاجارہاہے، وزارت اطلاعات پاکستان کااہم ادارہ ہے اور اس کا کام منفی پروپیگنڈے کیخلاف جنگ لڑناہے، سیاسی بھرتی پر بیٹھے افراد اداروں کی تنزلی کا باعث بنتے ہیں۔

فردوس عاشق اعوان نے کہا ڈالر کی قیمت میں اتار چڑھاؤ کےذمہ دار وہ ہےجوملک کو قرضے میں ڈبو کر چلےگئے، صرف آٹھ ماہ کی حکومت اس کی جوابدہ نہیں، وزیراعظم عمران خان اس وقت پاکستان کامقدمہ لڑرہے ہیں۔

مزید پڑھیں : شریف خاندان نے معاشی دہشت گردی سےعوام، معیشت کولہولہان کیے رکھا،فردوس عاشق اعوان

ان کا کہنا تھا وزیراعظم پہلےبھی آتےرہے اورسیاسی پوائنٹ اسکورنگ کرتےرہے، لیڈراپنی سیاست نہیں ادارے بچانے کیلئے پالیسیاں بناتاہے، لیڈر اپنی آنے والی نسل کی بقاکی جنگ لڑرہےہیں، ریفارمزپروگرام ہماری آنےوالی نسل کی بقاکی جنگ ہے۔

اس سے قبل سماجی رابطے کی ویب سائٹ ٹوئٹر پر وزیراعظم کی معاون خصوصی برائے اطلاعات ونشریات فردوس عاشق اعوان نے کہا تھا کہ شریف خاندان نے معاشی دہشت گردی سے عوام اور معیشت کو لہو لہان کئے رکھا، معاشی تباہ کاریوں کے بعد اب یہ کس منہ سے عوام کے پاس جانے کی بات کررہے ہیں، 30 سال ملکی معیشت کا جنازہ نکالنے والے عوام کا مزید تیل نکالنا چاہتے ہیں۔

یاد رہے کہ فردوس عاشق اعوان کا کہنا تھا کہ اپوزیشن کے رہنماؤں اور ترجمانوں کی زبانیں گروی ہیں، ان کے اندر ان کے کرپٹ لیڈر بولتے ہیں، شاہد خاقان عباسی ایک کٹھ پتلی وزیراعظم تھے، آپ ایک بار شریفوں کا نہیں اس ملک کا بن کر سوچیں۔

Comments

comments

یہ بھی پڑھیں