The news is by your side.

Advertisement

‘جعلی راجکماری عمران خان کے نام سے ہڑ بڑانے لگتی ہے’

وزیراعلیٰ پنجاب کی معاون خصوصی برائے اطلاعات فردوس عاشق اعوان نے کہا ہے کہ بھڑکیں مارنے والی جعلی راجکماری خواب میں بھی عمران خان کے نام سے ہڑ بڑانے لگتی ہے۔

ٹوئٹر پر جاری بیان میں فردوس عاشق اعوان نے کہا کہ عوام کے مسترد کردہ کرپٹ سیاسی عناصر انفرادی طور پر بھی ناکام تھے اب نام نہاد PDM میں اجتماعی طور پر بھی ناکام ہی رہیں گے۔

انہوں نے کہا کہ اوپن بیلٹ آرڈیننس سینیٹ الیکشن میں PDM کے ذاتی مفاد کے ایجنڈے کو مزید ایکسپوز کرے گا، ووٹوں کی منڈی لگانے والوں کو ایک بار پھر مایوسی کا سامنا کرنا پڑےگا۔

معاون خصوصی کا کہنا تھا کہ وزیراعظم کو جنوری میں گھر بھیجنے کی بھڑکیں مارنے والی جعلی راجکماری خواب میں بھی عمران خان کے نام سے ہڑ بڑانے لگتی ہے۔

فردوس عاشق اعواننے کہا کہ عمران خان ناصرف حکومتی آئینی مدت پوری کریں گے بلکہ عوامی اعتماد کےساتھ 2023 میں بھی وزیراعظم منتخب ہوکر مفاد پرستی کی سیاست کو ہمیشہ ہمیشہ کیلئے دفن کریں گے۔

Comments

یہ بھی پڑھیں