اسلام آباد: معاون خصوصی برائے اطلاعات فردوس عاشق اعوان کا کہنا ہے کہ شریف خاندان کرپشن سے توبہ کرلے، توبہ کے درہمیشہ کھلے رہتے ہیں۔
تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے کہا کہ 8 کروڑکی امداد کا چیک براہ راست علی عمران کے اکاؤنٹ میں جمع ہوا، اعتراف ایرا کے افسر اکرام نوید نے پلی بارگین کے بیان حلفی میں کیا۔
زلزلہ متاثرین کےلئے آنے والی امداد کا آٹھ کروڑ روپے کا سرکاری چیک براہ راست شہباز شریف کے داماد علی عمران کے ذاتی اکاؤنٹ میں جمع ہوا۔جرم کی اس حقیقت کا اعتراف ایرا کےافسر اکرام نوید نے نیب سے پلی بارگین کرتے ہوئے اپنے بیان حلفی کی صورت میں کیا۔
— Firdous Ashiq Awan (@Dr_FirdousPTI) July 15, 2019
معاون خصوصی نے کہا کہ جھوٹ کے پاؤں نہیں ہوتے، لیگی ترجمان جھوٹ کو تحفظ دینے کے لیے جھوٹ بول رہے ہیں، نوکری میں جکڑے ترجمان کب تک کرپشن اور منی لانڈرنگ کا دفاع کریں گے؟۔
جھوٹ کے پاؤں نہیں ہوتے۔لیگی ترجمان جھوٹ کو تحفظ دینے کے لیے جھوٹ پر جھوٹ بول رہے ہیں۔نوکری کی زنجیر میں جکڑے ترجمان کب تک چوری،کرپشن،اور منی لانڈرنگ کا دفاع کریں گے؟شہباز اینڈ سنز کے کالے دھن اور ٹی ٹیز کی فہرست اتنی طویل ہے کہ دفاع کرتے کرتے جلد ترجمانوں کے ہاتھ کھڑے ہوجائیں گے
— Firdous Ashiq Awan (@Dr_FirdousPTI) July 15, 2019
فردوس عاشق اعوان نے کہا کہ شہبازاینڈسنز کے کالے دھن اور ٹی ٹیز کی فہرست طویل ہے، فہرست اتنی طویل ہے کہ دفاع جلد ترجمانوں کے ہاتھ کھڑے ہوجائیں گے۔
انہوں نے کہا کہ شہباز اینڈ سنز بشمول داماد سچے ہیں تو ملک سے کیوں بھاگے؟، ایرا کے افسر کے اعتراف کے بعد بہتر ہے شہباز شریف خاندان اقبال جرم کرلے، خاندان کرپشن سے توبہ کر لے، توبہ کے درہمیشہ کھلے رہتے ہیں۔
اگر شہباز اینڈ سنز بشمول داماد سچے ہیں تو ملک سے کیوں بھاگے؟ایرا کے افسر کے اعتراف کے بعد بہتر یہی ہے کہ شہباز شریف کا خاندان بھی اقبال جرم کرکے کرپشن سے توبہ کر لے۔توبہ کے دروازے ہمیشہ کھلے رہتے ہیں۔
— Firdous Ashiq Awan (@Dr_FirdousPTI) July 15, 2019
