The news is by your side.

Advertisement

بھٹو کو زندہ رکھتے رکھتے سندھ کے بچے بھوک سے مر رہے ہیں، فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا ہے کہ بھٹو کو زندہ رکھتے رکھتے سندھ کے بچے بھوک سے مررہے ہیں۔

تفصیلات کے مطابق معاون خصوصی برائے اطلاعات فردوس عاشق اعوان نے پریس بریفنگ میں کہا کہ رہبر کمیٹی میں بیٹھے لوگوں کی ڈوریاں جیل سے ہلائی جارہی ہیں، اپنے بچے پاکستان آنا نہیں چاہتے ہیں دوسروں کے بچوں کو آزادی مارچ میں استعمال کررہے ہیں۔

انہوں نے کہا کہ سندھ میں امن و امان کی صورت حال بدترین ہے، بلاول بھٹو کو عمران خان سے ذاتی عناد ہے، سندھ کے عوام بھوک اور افلاس سے دم توڑ رہے ہیں۔

فردوس عاشق اعوان نے کہا کہ مولانا نے اپنی بس میں پیپلزپارٹی کو پچھلی سیٹ پر بٹھایا ہے، قومی جماعت پیپلزپارٹی اب مولانا کے تانگے سے لٹکی ہوئی ہے۔

مزید پڑھیں: وزیراعظم کراچی کے دکھوں کا مداوا کرنے کیلئے پُرعزم ہیں، فردوس عاشق اعوان

انہوں نے کہا کہ بلاول کو یقین نہیں آرہا ہے کہ لاڑکانہ میں بھٹو کا خاتمہ ہوگیا ہے، پی پی کے پاس اپنے بچوں کے لیے ثبوت ہیں تو عدالتوں میں پیش کریں۔

معاون خصوصی برائے اطلاعات کا کہنا تھا کہ پوری قوم 27 اکتوبر کو یوم سیاہ منائے گی، حکومت مولانا کے سیاسی ہتھکنڈوں سے غافل نہیں ہے، مولانا اپنے ذاتی مقاصد کے لیے مدرسے کے بچوں کو استعمال کررہے ہیں۔

انہوں نے کہا کہ ذاتی مقاصد کے لیے مدرسے کے بچوں کو اپنی سیاست کا ایندھن نہیں بنانا چاہئے، اپوزیشن کی رہبر کمیٹی کو خود رہبری کی ضرورت ہے۔

Comments

comments

یہ بھی پڑھیں