The news is by your side.

Advertisement

مولانا فضل الرحمان ہمیشہ ذاتی مفاد کیلئے کرپٹ حکمرانوں کو تحفظ دیتے رہے، فردوس عاشق

اسلام آباد : وزیراعظم کی معاون خصوصی فردوس عاشق اعوان نے مولانا فضل الرحمان کو مخاطب کرتے ہوئے کہا ہے کہ مولانا صاحب عوام اب مکمل طور پر بیدار ہوچکے ہیں، آپ ہمیشہ ذاتی مفاد کیلئے کرپٹ حکمرانوں کو تحفظ دیتے رہے۔

یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، انہوں نے کہا کہ عوام ماضی میں کرپٹ سیاستدانوں کے کرتوت دیکھ چکے ہیں انہیں اچھی طرح معلوم ہے کہ آپ ہمیشہ ذاتی مفاد کیلئے کرپٹ حکمرانوں کو تحفظ دیتے رہے.

انہوں نے کہا کہ مولانا صاحب عوام اب مکمل طور پر بیدار ہوچکے ہیں، قوم اب آپ کو مذہب کارڈ استعمال نہیں کرنے دے گی۔

معاون خصوصی نے مزید کہا کہ آپ مدارس کے طلبہ کو سڑکوں پر لا کر انتشار کی دھمکیاں دے رہے ہیں، اسلام آباد میں کھڑے ہوکر اداروں پرزبان درازی کررہے ہیں، قومی اداروں پر دشمن حملہ آور ہوتے ہیں آپ کا کیا ایجنڈا ہے؟

فردوس عاشق نے کہا کہ سیاسی بونے اچھل کود میں ہیں کہ کسی طرح خود کواحتسابی شکنجے سے بچا لیں،انہیں فقط ذاتی مفادات عزیز ہےملک وقوم کایہ نہیں سوچتے، وزیراعظم ان کے ساتھ ڈیل کو تیار ہیں نہ ہی ڈھیل دینےکو۔

Comments

comments

یہ بھی پڑھیں