The news is by your side.

Advertisement

وزیراعظم نے ارکان پارلیمنٹ کو حلقوں پر توجہ دینے کی ہدایت کردی

اسلام آباد: وزیراعظم عمران خان نے ارکان پارلیمنٹ کو حلقوں پر توجہ دینے کی ہدایت کردی، ارکان سے کہا گیا ہے کہ عوام کی تکالیف کم کرنے میں کردار ادا کریں۔

تفصیلات کے مطابق وزیراعظم کی زیر صدارت اجلاس کے بعد معاون خصوصی برائے اطلاعات فردوس عاشق اعوان نے کہا کہ وزیراعظم نے ارکان کو آئی ایم ایف، ایمنسٹی اسکیم پر اعتماد میں لیا، وزیراعظم نے معاشی ٹیم سے ارکان پارلیمنٹ کا تعارف کرایا، ارکان کو معیشت کی بہتری کے لیے کیے گئے اقدامات سے آگاہ کیا گیا۔

فردوس عاشق اعوان نے کہا کہ ارکان پارلیمنٹ کو یقین دلایا گیا کہ عوام اور ملک کا مفاد سیاسی مفاد سے بالاتر ہے، ملک اور عوام کے مفادات کا تحفظ یقینی بنائیں گے۔

انہوں نے کہا کہ معیشت کی بہتری کے لیے لانگ ٹرم منصوبوں پر عملدرآمد کرنا ہوگا، پی ٹی آئی اسٹیٹس کو ختم کرنے اور اصلاحات کا وعدہ پورا کرے گی، بجٹ سے پہلے ارکان پارلیمنٹ کو اعتماد میں لینا ضروری تھا۔

معاون خصوصی برائے اطلاعات نے کہا کہ وزیراعظم نے ارکان پارلیمنٹ کو حلقوں میں وقت دینے کی ہدایت کی ہے، ارکان سے کہا گیا ہے کہ عوام کی تکالیف کو کم کرنے میں کردار ادا کریں۔

فردوس عاشق اعوان نے کہا کہ ذخیرہ اندوزوں کے خلاف کارروائی کی ہدایت کی گئی ہے، عوام کو ریلیف دینے کے لیے اقدامات کیے جائیں گے۔

Comments

comments

یہ بھی پڑھیں