The news is by your side.

Advertisement

کرپشن ملکی ترقی کی راہ میں رکاوٹ ہے، فردوس عاشق اعوان

گوجرانوالہ: معاون خصوصی برائے اطلاعات فردوس عاشق اعوان نے کہا ہے کہ کرپشن ملکی ترقی کی راہ میں رکاوٹ ہے۔

تفصیلات کے مطابق معاون خصوصی برائے اطلاعات فردوس عاشق اعوان نے پولیس اصلاحات تقریب سے خطاب کرتے ہوئے کہا کہ کرپشن کو ختم کیے بغیر حقیقی تبدیلی کا خواب پورا نہیں ہوسکتا، گوجرانوالہ میں ڈیجیٹل پولیس ہیلپ لائن کا قیام خوش آئند ہے۔

فردوس عاشق اعوان نے کہا کہ ’مائی پولیس ہیلپ‘ کے ذریعے عوام براہ راست اعلیٰ پولیس حکام سے رابطہ کرسکیں گے، آرپی او گوجرانوالہ اور ان کی ٹیم کو خراج تحسین پیش کرتی ہوں۔

انہوں نے کہا کہ آر پی او گوجرانوالہ نے عوام دوست پولیس کے نعرہ کو عملی جامہ پہنایا، وزیراعظم کے عوام دوست وژن کو عملی جامہ پہنا کر حقیقی تبدیلی لائی جاسکتی ہے۔

مزید پڑھیں: کامیاب جوان پروگرام مستقبل کے معماروں کی کامیابی کی ضمانت ہے: فردوس عاشق اعوان

فردوس عاشق اعوان نے کہا کہ چیلنجز اور مسائل سے نمٹنے کے لیے کچھ وقت لگے گا، وزیراعظم عمران خان ہر ادارے سے کرپشن کا خاتمہ چاہتے ہیں۔

معاون خصوصی برائے اطلاعات نے کہا کہ وزیراعظم کا عام شہری کے ساتھ احساس کا رشتہ ہے، پولیس کی صفحوں میں بھی تبدیلی کا حقیقی سفر شروع ہوچکا ہے، آج تھانہ کلچر بدلنے کی طرف مثبت قدم اٹھایا گیا ہے۔

فردوس عاشق اعوان نے کہا کہ وزیراعظم عمران خان نے تھانہ کلچر بدلنے کا جو نعرہ لگایا تھا اسے حقیقت میں بدلہ جارہا ہے۔

fb-share-icon0
Tweet 20

Comments

comments

یہ بھی پڑھیں