The news is by your side.

Advertisement

ترک صدر کا دورہ پاکستان کسی حکومت نہیں عوام کی جیت ہے، فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا ہے کہ ترک صدر رجب طیب اردوان کا دورہ پاکستان کسی حکومت نہیں عوام کی جیت ہے۔

تفصیلات کے مطابق معاون خصوصی برائے اطلاعات فردوس عاشق اعوان نے نیوز کانفرنس کرتے ہوئے کہا کہ پاکستان اور ترکی کی دوستی لازوال بندھن میں بندھی ہے، پاکستان اور ترقی کے تعلقات دلوں کی دوستی کی عکاسی کرتے ہیں۔

انہوں نے کہا کہ ترکی کے ساتھ میڈیا کوآپریشن کی یادداشت پر بھی دستخط کیے گئے ہیں، پاکستان اور ترقی کے درمیان میڈیا انڈسٹری کو قریب لانے پر فیصلہ کیا گیا ہے۔

فردوس عاشق اعوان نے کہا کہ پاکستان اور ترکی کے درمیان میڈیا تھنک ٹینکس کا تبادلہ ہوگا، میڈیا ایکسچینج کا فائدہ اٹھایا جائے گا، میڈیا کے ذریعے عوام کو مزید قریب لایا جائے گا۔

مزید پڑھیں: ترک صدر نے واضح طور پر آج کشمیریوں کی حمایت کا اعلان کیا، شاہ محمود قریشی

انہوں نے کہا کہ ترک صدر کے ساتھ تاجروں کے وفود تھے، سرمایہ کاری میں دلچسپی کا اظہار کیا گیا اور متعدد معاہدوں پر دستخط ہوئے۔

واضح رہے کہ اس سے قبل وزیر خارجہ شاہ محمود قریشی کا کہنا تھا کہ ترک صدر کے آج کے اعلان نے پاکستانیوں اور کشمیریوں کے دل جیت لیے، ترک صدر نے کہا کہ پاکستان کے ساتھ ساتھ ترکی بھی کشمیریوں کے ساتھ ہے۔

شاہ محمود قریشی کا کہنا تھا کہ اسٹریٹیجک اکنامک فریم ورک کے معاہدے پر دونوں سربراہان نے دستخط کیے، اسٹریٹیجک اکنامک فریم ورک پر کام ایک سال سے جاری تھا، اسٹریٹیجک اکنامک فریم ورک کا آئیڈیا ایک سال پہلے ترکی میں پیش کیاگیا تھا۔

fb-share-icon0
Tweet 20

Comments

comments

یہ بھی پڑھیں