The news is by your side.

Advertisement

نسل در نسل سیاست کرنے والوں نے ملک کو قرضوں میں جکڑ دیا، فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا ہے کہ نسل درنسل سیاست کرنے والوں نے ملک کو قرضوں میں جکڑ دیا، سیاسی خانوادوں سے نجات کے لیے قوم نے عمران خان کو چُنا ہے۔

تفصیلات کے مطابق معاون خصوصی برائے اطلاعات فردوس عاشق اعوان نے تقریب سے خطاب کرتے ہوئے کہا کہ مسلم لیگ ن اور پیپلزپارٹی نے ملک کو قرضوں میں جکڑ دیا، ملک کی چوتھی نسل گروی رکھ دی گئی ہے۔

انہوں نے کہا کہ پاکستان بدل چکا ہے، وزیراعظم عمران خان غریب، محنت کش طبقے کے لیے امید کی کرن ہیں، وزیراعظم نے اسٹیٹس کو کو چیلنج کیا ہے۔

فردوس عاشق اعوان نے کہا کہ محنت کشوں کے حقوق کا تحفظ حکومت کی اولین ترجیح ہے، عمران خان کسی کو کرپشن نہیں کرنے دیں گے، احساس پروگرام وزیراعظم کے ریاست مدینہ کے وژن کا مظہر ہے، احساس پروگرام کا بنیادی مقصد محنت کش طبقے کا سماجی تحفظ ہے۔

معاون خصوصی برائے اطلاعات نے کہا کہ قانون خود مختار ہوگیا ہے کوئی بھی اس کو چھیڑ نہیں سکتا، آصف زرداری کے بے نامی دار اثاثے سامنے آئے ہیں، بے نامی دار اثاثے ایف بی آر نے اٹیچ کرلیے ہیں، اب عمران خان زرداری صاحب کو کیسے اچھے لگ سکتے ہیں۔

مزید پڑھیں: رانا ثنا کے خلاف سیاسی انتقامی کارروائی کے الزام کو مسترد کرتے ہیں، فردوس عاشق

انہوں نے کہا کہ چارٹر آف کرپشن کو چارٹر آف ڈیموکریسی کا نام دیا گیا، یہ میچ فکسنگ کی سیاست کرتے رہے ہیں، باریاں فکس کرکے ملک اور قوم کو نقصان پہنچایا گیا۔

فردوس عاشق اعوان نے کہا کہ رانا ثنا اللہ پولیس مقابلوں کے چیمپئن تھے، سیکڑوں بے گناہ لوگوں کو پولیس مقابلوں میں مروایا گیا، جو نشہ پھیلا رہا تھا اس کو ہیرو بنا کر پیش کیا جارہا ہے، نشہ پھیلانے والوں اور ان کے سہولت کاروں کو پکڑنا ہے، بڑے چہروں پر قانون کا اطلاق ہوگا تو عام آدمی کو بھی پیغام جائے گا۔

انہوں نے کہا کہ ٹرمپ کے بیان پر پاکستان نے جو موقف اپنایا اس پر خاموشی ہوئی، آج وقار کے ساتھ وزیراعظم امریکا جارہے ہیں، یہ نیا پاکستان ہے عمران خان سفیر کے گھر میں رہیں گے، وزیراعظم عوام کے حقوق کے ضامن بن کر آئے ہیں۔

Comments

یہ بھی پڑھیں