The news is by your side.

Advertisement

ٹرمپ کاکشمیرکومتنازع معاملہ قراردیناہی پاکستان کی جیت ہے، فردوس عاشق اعوان

عمران خان نےقومی بیانیےکوٹرمپ سےمنواکررہبرہونےکاثبوت دیا

اسلام آباد : معاون خصوصی برائے اطلاعات فردوس عاشق اعوان نے کہاٹرمپ کاکشمیرکومتنازع معاملہ قراردیناہی پاکستان کی جیت ہے، بھارتی میڈیا کےارمانوں پراوس پڑی ہے ، عمران خان نےقومی بیانیےکوٹرمپ سےمنواکر رہبر ہونے کاثبوت دیا۔

تفصیلات کے مطابق معاون خصوصی برائے اطلاعات فردوس عاشق اعوان نے پیمرا ریجنل ہیڈ آفس کے دورے پر میڈیا سے گفتگو کرتے ہوئے کہا میڈیا کے ذمہ داران پاکستانی بیانیے کیساتھ جڑے ہیں، پاکستانی میڈیا نے وزیرعظم کا دورہ امریکا مثبت دکھایا، پوری قوم کابیانیہ ایک سپر پاور کے سامنے رکھا۔

فردوس عاشق اعوان کا کہنا تھا پوری پاکستانی میڈیا اس بیانیےکو تقویت دے رہی تھی ، بھارتی میڈیا کے ارمانوں پراوس پڑی ہے، وزیراعظم عمران خان کا دورہ امریکامثبت اور کامیاب رہا، کل کی ملاقات کے مثبت نتائج کے بعد بھارتی میڈیاپاگل ہوگیاتھا، پاکستانی میڈیا نے بھارتی واویلے کو چاروں شانے چت کیا ہے۔

بھارتی میڈیا کےارمانوں پراوس پڑی ہے، وزیراعظم عمران خان کادورہ امریکامثبت اورکامیاب رہا

معاون خصوصی برائے اطلاعات نے کہا عمران خان نے قوم کو کرپشن فری سوسائٹی دینے کا عزم کیاہے، عمران خان کاعزم اداروں میں ریفارمز اور اداروں کو بااختیار بنانا ہے، ٹرمپ نے اقتدار میں آنے کے بعد کچھ ٹوئٹس کی تھیں یاد ہوں گی، وزیراعظم نے منفی بیانیے کو مثبت سمت میں مائل کرنے میں کردار ادا کیا۔

ان کا کہنا تھا کہ عمران خان کوقوم رہنما تومانتی تھی انہوں نے رہبر ہونے کا ثبوت دیا، عمران خان نےقومی بیانیےکوٹرمپ سے منوا کر رہبر ہونے کا ثبوت دیا، رہبرقوموں کی شناخت کی بقاکی جنگ لڑتاہے، کل عمران خان نےقوم کی شناخت کامقدمہ جیتاہے ، وزیراعظم نے بتا دیا وہ بیک فٹ پر آکر نہیں کھیلتے۔

عمران خان نےقومی بیانیےکوٹرمپ سےمنواکررہبرہونےکاثبوت دیا

فردوس عاشق اعوان نے کہا عمران خان نے کہاتھا دنیا میں سبزہلالی پرچم اوربات منواؤں گا، جس کا اپنا دامن صاف ہووہ فرنٹ فٹ پر کھیلتا ہے ، عمران خان کوکوئی سوئس اکاؤنٹ چھپانے کا خوف نہیں ، کل عمران خان امن کے داعی کے طور پر نظر آرہےتھے۔

معاون خصوصی کا کہنا تھا عمران خان نے پیس پراسس کے تحت بھارت کو باور کرادیا، ہماری امن کی خواہش کوکمزوری نہیں سمجھا جائے، ہمارا فوکس پاکستان ہونا چاہیے، امریکا میں پاکستان کا بیانیہ بہترانداز میں پیش کیاگیا۔

عمران خان نےپیس پراسس کےتحت بھارت کوباورکرادیا، ہماری امن کی خواہش کوکمزوری نہیں سمجھاجائے

انھوں نے مزید کہا پاکستان کےمیڈیا نے ذمہ داری کا مظاہرہ کیاہے، پاکستان کےتمام میڈیاہاؤسزکوخراج تحسین پیش کرتی ہوں، کرپشن کا خاتمہ اور اداروں کومضبوط کرنا ہمارا ہدف ہے، پاکستان سےمتعلق عالمی منفی بیانیےکاخاتمہ ہوگیا ہے۔

فردوس عاشق اعوان کا کہنا تھا کشمیر کے مظلوموں کو بھارت دہشت گرد ثابت کرنا چاہتا تھا، پلوامہ جیسے واقعے کے بعد پاکستان نے بھارت کو بھرپور جواب دیا، مسئلہ کشمیر پر امریکا کی ثالثی کی پیشکش کومانتےہیں اورآگے بڑھانا چاہتے ہیں۔

امریکی صدرکی ثالثی کی پیشکش کومانتےہیں اور آگے بڑھائیں گے

معاون خصوصی برائے اطلاعات کا کہنا تھا کہ عمران خان نےپاکستان کےسافٹ امیج بلڈنگ کابیڑااٹھایاہے، امریکی صدر نے بھی پاکستان سے متعلق مثبت بیان دیاہے، ٹرمپ کا کشمیرکو متنازع معاملہ قرار دینا ہی پاکستان کی جیت ہے، امریکی صدرکی ثالثی کی پیشکش کومانتےہیں اور آگے بڑھائیں گے۔

انھوں نے کہا افغان امن عمل میں ہماراکردارسراہناپاکستان کی جیت ہے، کل صرف بیانیہ ہی نہیں پاکستان اور پوری قوم جیت گئی ہے، پاکستان پر دہشت  گردی کالیبل لگاکرپروپیگنڈاکیاجاتاتھا، پاکستان کی قیام امن کی کوششوں کی تعریف کی گئی، شدت پسندی کی چھاپ کے بجائے کل حقیقی مثبت شناخت سامنے آئی۔

افغان امن عمل میں ہماراکردارسراہناپاکستان کی جیت ہے

فردوس عاشق اعوان کا کہنا تھا تاریخی دورےکی ابھی مزیدملاقاتیں باقی ہیں، اس مرتبہ خصوصی دعوت پروزیراعظم پاکستان امریکاگئے، اس مرتبہ وفودکی سطح پر باقاعدہ ڈائیلاگ کیساتھ ملاقات ہوئی، جوڈومور کہا کرتے تھے وہ نومور کی آئیڈیالوجی ،فلاسفی سمجھ چکے ہیں۔

معاون خصوصی نے کہا پاکستان اورامریکااسٹریٹیجک ڈیفنس پارٹنررہےہیں، یہ پہلادورہ تھاجس میں رہبر ایڈ کی درخواست لےکرنہیں گئے، کسی نےیہ نہیں کہا اتنے ارب چاہئیں، صرف قومی مفاد کی بات ہوئی، نومور عمران خان نے اقتدارمیں آنے سے پہلے متعارف کرایا تھا، آج بھی پاکستان کی سب سے زیادہ سرمایہ کاری امریکا سے آتی ہے۔

ان کا کہنا تھا اوورسیز پاکستانیوں کا زرمبادلہ سب سے زیادہ امریکاسےآتی ہے ، انڈردی ٹیبل کا دورگزرگیا،اب صرف قومی مفادات کوتحفظ ہوگا، وہ دورگزر گیاجب ذاتی فائدے اور کاروبار کی باتیں ہوتی تھیں، پرچیاں پڑھنے والی لیڈر شپ اپنی جگہ پر پہنچ چکی ہے، اب جرات مند لیڈر اس قوم کی بات کرےگا، اب جرات مند لیڈر صرف یہ بات کرے گا میرے ملک کا مفاد یہ ہے۔

اپوزیشن25جولائی کویوم احتجاج اورقوم یوم احتساب منائےگی

فردوس عاشق اعوان نے کہا ماضی میں بدقسمتی سے پاکستان میں شخصیات مضبوط تھیں، ماضی میں افرادکے تابع ادارے ہوتے تھے، ہم نے اداروں کو ان طاقتور شخصیات سے آزاد کرایا، نادان دوستوں نے جیل میں بھی مساوات کو نہ رہنے دیا، سیاسی طاقتور نے جیلوں میں بھی مساوات کو اپنے تابع کردیا، یقین دلاتے ہیں جیلوں میں بھی مساوات لائیں گے۔

معاون خصوصی برائے اطلاعات کا کہنا تھا کہ جعلی اکاؤنٹس اور ٹی ٹی شریف فیملی سے عوام لاتعلقی کرچکے ہیں، 25 جولائی والے اپنے اقتدار کے درد پر ماتم کریں گے، اپوزیشن25 جولائی کو یوم احتجاج اور قوم یوم احتساب منائےگی۔

گھوٹکی میں ضمنی انتخاب کے حوالے سے ان کا کہنا تھا گھوٹکی الیکشن میں سندھ حکومت نے سرکاری وسائل استعمال کیے، وزیراعلیٰ نےوزراکی ڈیوٹیاں لگاکرقوانین کی خلاف ورزی کی۔

فردوس عاشق اعوان نے کہا چیئرمین سینیٹ کیخلاف اپوزیشن نے تحریک عدم اعتماد جمع کرائی، ڈپٹی چیئرمین سینیٹ کیخلاف حکومت نے تحریک عدم اعتماد جمع کرائی، دونوں کیخلاف تحریک عدم اعتماد آجائے تو پھر دوبارہ انتخابات نہیں ہوسکتے، سینیٹ کوآئینی طریقہ کار کے مطابق ہی چلایا جائےگا، اپوزیشن کی خواہشات کے مطابق سینیٹ نہیں چلےگا۔

اپوزیشن کی خواہشات کےمطابق سینیٹ نہیں چلےگا

معاون خصوصی کا کہنا تھا مہنگائی میں80 فیصدصوبائی حکومت کا ہاتھ ہوتا ہے ، مہنگائی کو صوبائی سطح پر مؤثر میکنزم کے ذریعے کنٹرول کرنا چاہیے، مہنگائی کنٹرول نہیں ہورہی توصوبائی حکومت کا محاسبہ ہونا چاہیے، گھی پر جو ٹیکس لگا واپس ہوا دیگر خوردونوش پر کوئی ٹیکس نہیں۔

فردوس عاشق اعوان نے کہا کراچی پاکستان کی معاشی شہ رگ ہے، کراچی ایساچہرہ ہے جس کو دیکھ کر پاکستان سے متعلق فیصلہ ہوتاہے، این ایف سی میں 200 ارب گزشتہ سال کی نسبت زیادہ ہے، عالمی سطح پر امیج اچھا ہونے سے سرمایہ کاری آتی ہے، دنیا بھر کے سرمایہ کاروں کیلئے پاکستان کے دروازے کھلے ہیں۔

Comments

comments

یہ بھی پڑھیں