The news is by your side.

Advertisement

مولانا صاحب!عمران خان پاکستان کے لئے لازم وملزوم ہیں، فردوس عاشق اعوان

اسلام آباد : معاون خصوصی برائے اطلاعات و نشریات فردوس عاشق اعوان نے کہا ہے کہ مولانا صاحب ! عمران خان پاکستان کے لئے لازم و ملزوم ہیں، ای سی ایل میں نام ڈالنے اور نکالنے کا طریقہ کار ہوتا ہے، حکومت خواہشات پر نہیں قانون کے مطابق چلتی ہے۔

تفصیلات کے مطابق معاون خصوصی برائے اطلاعات و نشریات فردوس عاشق اعوان نے اسلام آباد ہائی کورٹ کے باہر میڈیا سے گفتگو کرتے ہوئے کہا عدالت پر اعتماد ہے، عدالت چاہتی ہے وفاقی حکومت ذمہ داری کا مظاہرہ کرے۔

صحافی نے سوال کیا کیا آپ سمجھتی ہیں نواز شریف کومیرٹ پر ضمانت دی گئی؟ جس پر فردوس عاشق اعوان کا کہنا تھا کہ نوازشریف کی ضمانت پر عدالت سے پوچھا جائے، میڈیکل بورڈ نے جو رائے دی ہے اس پر یقین کرناچاہیے، ڈاکٹرز سیاستدان نہیں ہیں کم از کم ان پر اعتماد کرلینا چاہیے۔

معاون خصوصی نے کہا میں میڈیکل بورڈ کی حمایت کررہی ہوں ن لیگ کی نہیں، جب تک پیسے نہ ہوں کوئی بھی منصوبہ حقیقت نہیں بنتا، چیف جسٹس ہائی کورٹ نے مجھے ڈسٹرکٹ کورٹس بھیجا، وزیراعظم اور کابینہ کو ڈسٹرکٹ کورٹس کی حالت زار سے آگاہ کیا ہے۔

ان کا کہنا تھا کہ اسلام آباد بار کی حالت زار ناقابل بیان ہے ، وفاقی حکومت اسلام آباد عدالتوں کی بہتری کے لئے تعاون کرے گی، عدالتوں کی حالت زار پر وزیراعظم نے کمیٹی بنا دی ہے اور وزارت قانون کو کمیٹی میں ممبرز کا اختیار دیا گیا ہے ، کمیٹی بینچ اور بار میں پل کا کردار ادا کرے گی۔

فردوس عاشق اعوان نے کہا کہ کمیٹی زیرالتوا معاملات کے حل کیلئے کردار ادا کرے گی اور حکومت کمیٹی کی جانب سے سفارشات پر عمل کرے گی، وزیر قانون فروغ نسیم کمیٹی کے سربراہ ہوں گے ، سائلین کوبنیادی حقوق دلانے کی کوشش کریں گے۔

معاون خصوصی کا کہنا تھا کہ ای سی ایل میں نام ڈالنےاورنکالنے کا طریقہ کار ہوتاہے، حکومت خود کسی کا نام ای سی ایل میں نہیں ڈالتی ، نام ای سی ایل میں ڈالنے کے لئے اداروں کی سفارش ہوتی ہے ، نوازشریف کے کیس میں نیب مدعی ہے، ان کو سزابھی نیب کی عدالت نےدی ہے۔

انھوں نے مزید کہا کہ حکومت کسی نجی میڈیکل بورڈکی سفارش پرفیصلے نہیں کرتی، سرکاری میڈیکل بورڈ کی رائے لینا ضروری ہوتا ہے، آصف زرداری کو سہولتوں کا معاملہ اہلخانہ اور عزیزواقارب کا ہے، ہمارا کام تب شروع ہوگا جب درخواست آئے گی، ،آصف زرداری بیمار ہیں تو طریقہ کار کے تحت درخواست دیں، آصف زرداری کے رشتے دار بیانات کے بجائے قانونی راستہ اپنائیں۔

فردوس عاشق اعوان کا کہنا تھا کہ حکومت خواہشات پر نہیں قانون کے مطابق چلتی ہے ، چیف جسٹس نے شکریہ اداکرتے ہوئے ہماری کوشش کوسراہا، پی ٹی آئی کی بنیاد انصاف پر رکھی گئی ہے، ہماری جماعت انصاف یقینی بنانے کے لئے ہر قدم اٹھائے گی۔

معاون خصوصی برائے اطلاعات نے کہا کہ پاکستان میں سستا اور میسر نظام تشکیل دینا حکومت کی ترجیح ہے، ٹرائل آئین و قانون کی حدود میں ہوگا، خواہشات پر نہیں، ہم نے مولانا فضل الرحمان کو فل ٹاس دی ہے، مولانا صاحب نے کریس سے نکل نکل کر چھکے لگائے، مولانا کے دیگر کھلاڑی گراؤنڈ میں نڈھال ہیں اور چھکے لگانے والی اپوزیشن روک کر کھیلنے والی پوزیشن پرآگئی ہے۔

ان کا کہنا تھا کہ سردی میں بیٹھے ورکرز کو مولانا کی جانب سے بسترا دینا چاہیے، مولانا صاحب! عمران خان پاکستان کے لئے لازم و ملزوم ہے۔

fb-share-icon0
Tweet 20

Comments

comments

یہ بھی پڑھیں