The news is by your side.

Advertisement

ویڈیو کو فرانزک کے لیے نہیں بھیجا، معاملہ سپریم کورٹ میں ہے، فردوس عاشق اعوان

سیالکوٹ: معاون خصوصی برائے اطلاعات فردوس عاشق اعوان نے کہا ہے کہ مسلم لیگ ن نے ویڈیو اسکینڈل پر مخصوص میڈیا چینل کو جھوٹا بیانیہ جاری کیا، مقدمہ سپریم کورٹ میں زیر سماعت ہے ، حکومت نے ویڈیو کو فرانزک کے لیے نہیں بھیجا۔

میڈیا سے گفتگو کرتے ہوئے فردوس عاشق اعوان کا کہنا تھا کہ مسلم لیگ ن نے ویڈیو کی بنیاد پر ایسے بیانات جاری کیے جن کا حقیقت سے کوئی لینا دینا نہیں، ویڈیو یا آڈیوٹیپ بھیجی گئی نہ اس کی کوئی رپوٹ بنی ہے۔ اُن کا کہنا تھا کہ ایف آئی اے سپریم کورٹ میں بلیک میلنگ کیلئےبنائی گئی ویڈیوکےحقائق رکھےگی، ویڈیو ٹیپ کی جانچ پڑتال ایف آئی اےسائبر کرائم ونگ میں جاری ہے ، حکومت نے اسے فرانزک کے لیے اس لیے نہیں بھیجا، اب تک ہونے والی تحقیقات میں یہ واضح ہوا کہ ویڈیو کے حوالے جو کچھ کہا جا رہا وہ حقیقت کےبرخلاف ہے۔

اُن کا کہنا تھا کہ نئے پاکستان میں اداروں کا بااختیار ہوکر قانون کی عمل داری سےآگے بڑھنا ان کوبرداشت نہیں ہورہا، اعلیٰ سطح کا حامل ٹولہ خصوصی مراعات لے کرپیچھے پیچھے پھر رہا ہے مگر ایسے لوگوں کا بیانیہ اب کوئی نہیں مانے گا۔ فردوس عاشق اعوان کا کہنا تھا کہ آپ کا جھوٹا زہریلا پروپیگنڈہ عوام کے اعصاب متاثر کررہا ہے،  آپ کا ایک ہی کام ہے اتنا جھوٹ بولو کہ عوام اسے سچ سمجھنے لگیں، میڈیا کو بیان جاری کرنے سے پہلے سوچ لینا چاہیے کہ نتائج کیا نکلیں گے، جھوٹی مافیا نے ویڈیوفرانزک کی میڈیا کے کچھ حصوں میں خبرچلوائی۔

اُن کا کہنا تھا کہ جج بلیک میلنگ اسکینڈل میں جھوٹی خبریں پھیلائی جارہی ہیں، عوام کو گمراہ کرنے کا پروپیگنڈا کرنے کا اعزاز ن لیگ کے پاس ہے، سیاسی بلوغت سےعاری ٹولہ عوام میں بے بنیاد باتیں پھیلارہا ہے، یہ لوگ اپنے فائدے کے لیے آپ عوام کو بیوقوف بناتے رہے ہیں۔

فردوس عاشق اعوان نے بتایا کہ ویڈیو کو فرانزک کے لیے نہیں بھیجا گیا کیونکہ پنجاب فرانزک لیب سائبر کرائم کا ونگ نہیں وہاں صرف پوسٹ مارٹم اور انسانی اعضاء کا فرانزک ہوتا ہے۔

قبائلی علاقوں میں الیکشن پر خراج تحسین

معاونِ خصوصی کا کہنا تھا کہ قبائلی علاقوں میں پاک فوج کی قربانیوں سے امن قائم ہوا،  آج وہاں عوام نے پرامن انتخابات میں بڑھ چڑھ کر حصہ لیا، قبائلی عوام نےجوقربانیاں دیں ، آج دراصل اُسی کی جیت ہوئی ہے۔

اُن کا کہنا تھا کہ افواج پاکستان،سویلین اداروں اورغیورعوام کوخراج تحسین پیش کرتی ہوں، قبائلی علاقےمیں تمام سیاسی جماعتوں یکساں مواقع فراہم کئےگئے۔

Comments

comments

یہ بھی پڑھیں