اسلام آباد: معاون خصوصی برائے اطلاعات فردوس عاشق اعوان نے کہا پاکستانی حکومت اور عوام متحدہ عرب امارات کے ولی عہد شہزاد محمد بن زید کا 572 پاکستانی قیدیوں کی رہائی پر شکریہ ادا کرتے ہیں۔
معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر یو اے ای سے 572پاکستانی قیدیوں کی رہائی پر اظہارتشکر کرتے ہوئے کہا پاکستانی حکومت اور عوام کا یو اے ای کے ولی عہد شہزاد محمد بن زیدکا 572 پاکستانی قیدیوں کی رہائی پر شکریہ ادا کرتے ہیں ،یہ ہوتی ہےحقیقی قیادت جو اپنےنہیں دوسروں کےبچوں کاسوچتی ہے۔
پاکستانی حکومت اور عوام متحدہ عرب امارات کے ولی عہد شہزاد محمد بن زید کا 572 پاکستانی قیدیوں کی رہائی پر شکریہ ادا کرتے ہیں۔ یہ ہوتی ہے حقیقی قیادت جو اپنے نہیں دوسروں کے بچوں کے بارے میں سوچتی ہے۔
— Firdous Ashiq Awan (@Dr_FirdousPTI) May 17, 2019
گذشتہ روز ترجمان دفتر خارجہ ڈاکٹر فیصل نے ہفتہ وار بریفنگ میں کہا تھا کہ یو اے ای سے 3500 پاکستانی قیدی رہا کیے جا رہے ہیں، پہلے مرحلے میں 572 قیدیوں کو رہا کیا جا رہا ہے، ابوظہبی سے 262، عجمان 65، فجیرہ 62، شارجہ سے 52 پاکستانی قیدی رہا ہوں گے۔
مزید پڑھیں : یو اے ای سے پہلے مرحلے میں 572 قیدیوں کو رہا کیا جا رہا ہے، دفترخارجہ
ترجمان کا کہنا تھا کہ امریکا سے 50 پاکستانیوں کو ڈی پورٹ کیا گیا ہے، ڈی پورٹ ہونا پاک امریکا تعلقات کے ایجنڈے کا حصہ ہے، پاکستان کا مؤقف ہے تصدیقی عمل کے بعد ہی کسی کو واپس لیا جا سکتا ہے، ڈی پورٹ ہونے والوں کو چارٹرڈ طیارے کے ذریعے پاکستان لایا گیا۔
