The news is by your side.

Advertisement

آئی جی سندھ کے لیے ایسا نام دینے کا کہا ہے جس پر اتفاق ہو، فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا کہ آئی جی سندھ کے لیے ایسا نام دینے کا کہا ہے جس پر اتفاق ہو۔

تفصیلات کے مطابق معاون خصوصی ڈاکٹر فردوس عاشق اعوان نے کہا کہ آئی جی سندھ کی تعیناتی سے متعلق بات چیت چل رہی تھی، کابینہ کے اکثریتی ارکان نے شدید تحفظات کاا ظہار کیا ہے۔

ڈاکٹر فردوس عاشق اعوان کے مطابق وزیراعظم نے گورنر سندھ کو وزیراعلیٰ کے ساتھ مشاورت کی ہدایت کی۔ انہوں نے کہا کہ آئی جی سندھ کے لیے ایسا نام دینے کا کہا ہے جس پر اتفاق ہو۔

میرا تبادلہ اتنی آسانی سے ہونے والا نہیں ہے، آئی جی سندھ کلیم امام

واضح رہے کہ آج کراچی میں منعقدہ ایک تقریب سے خطاب کرتے ہوئے آئی جی سندھ سید کلیم امام نے اپنے تبادلے کی خبر کی تردید کرتے ہوئے کہا تھا کہ ہم تمام پولیس افسران قانون کے تحت کام کرتے ہیں، قانون نافذ کرنے کی کوشش کرتے ہیں تو راہ میں رکاوٹیں بھی پیش آتی ہیں.

آئی جی سندھ پولیس کا کہنا تھا کہ میرا تبادلہ اتنی آسانی سے ہونے والا نہیں ہے، جاؤں گا تو اپنے مقدر سے جاؤں گا اور کسی بڑی جگہ یا نئے مراحل پر جاؤں گا.

fb-share-icon0
Tweet 20

Comments

comments

یہ بھی پڑھیں