The news is by your side.

Advertisement

پاکستانی تاجرملک کےسفیربن کربیرون ملک کشمیریوں کی داستان پہنچائیں گے ،فردو س عاشق اعوان

اسلام آباد :معاو ن خصوصی برائے اطلاعات فردو س عاشق اعوان نے کہا کہ پاکستانی تاجرملک کےسفیربن کربیرون ملک کشمیریوں کی داستان پہنچائیں  گے اور غیر ملکیوں کو متحدہ کریں گے تاکہ بھارت کا سیاہ ومکروہ چہرہ دنیا کو دکھا سکیں۔

تفصیلات کے مطابق معاون خصوصی اطلاعات ڈاکٹر فردوس عاشق اعوان نے تقریب سے خطاب کرتے ہوئے کہاکہ بھارت نے مقبوضہ کشمیر میں مسلسل کرفیو نافذ کر رکھا ہے، بھارت نے مقبوضہ کشمیر کو جیل میں تبدیل کر دیا ہے، اقوام متحدہ اور انسانی حقوق کی تنظیموں کو کشمیر کی صورتحال کا سنجیدگی سے نوٹس لینا چاہیے۔

فردوس عاشق اعوان کا کہنا تھا کہ مسئلہ کشمیر دو ملکوں کا نہیں بلکہ دو نظریات کے درمیان تنازعہ ہے ، نریندر مودی انتہا پسندی اور ہندوتوا کے ایجنڈے کو پروان چڑھا رہا ہے، کشمیر کاز کیلئے ہم سب کو اتحاد اور یکجہتی کا مظاہرہ کرنا چاہیے۔

معاون خصوصی کہا کہ قائداعظم نے سامراجی نظام سے لڑتے ہوئے مسلمانوں کی آزادی کیلئے جدوجہد کی، تحریک آزادی میں فاطمہ جناح قائداعظم کے شانہ بشانہ کھڑی رہیں۔

مزید پڑھیں : کشمیری بھارتی مظالم سے تنگ آکر برہان وانی بن رہے ہیں، فردوس عاشق اعوان

ان کا کہنا تھا کہ دو جماعتی نظام کو چیلنج کرتے ہوئے عوام نے تحریک انصاف کو منتخب کیا، حکومت نے خواتین کی معاشی خودمختاری کیلئے کئی اقدامات کیے ہیں اور چھوٹی صنعتوں کے فروغ کیلئے کئی اقدامات کرنے کی ضرورت ہے۔

فردوس عاشق اعوان نے کہاکہ وزیراعظم نے کامیاب نوجوان پروگرام کی منظوری دی ہے، پروگرام میں 52فیصد نوجوان خواتین کو قرضے دیئے جائیں گے، پاکستان کی معیشت کو مضبوط بنانے کیلئے ہر سطح پر کوشش کریں گے۔

معاون خصوصی نے کہا کہ پاکستانی تاجرملک کےسفیربن کربیرون ملک کشمیریوں کی داستان پہنچائیں گے اور غیرملکیوں کومتحدہ کریں گے تاکہ بھارت کا سیاہ ومکروہ چہرہ دنیا کو دکھا سکیں۔

Comments

comments

یہ بھی پڑھیں