اسلام آباد : معاون خصوصی برائے اطلاعات فردوس عاشق اعوان نے کہا ہے کہ کامیاب جوان پروگرام کا آج آغاز کیا جارہا ہے ، پروگرام نوجوانوں کے روزگار اور دیگر مسائل حل کرنے میں سنگ میل ثابت ہوگا۔
تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا نوجوان قوم کاروشن مستقبل اورملک کو عظیم بنانے کی امید ہیں، کامیاب جوان پروگرام کا آج آغاز کیا جارہا ہے۔
ہمارے نوجوان قوم کا روشن مستقبل اور ملک کو عظیم تر بنانے کی امید ہیں۔ان کی معاشی فلاح، ترقی اور زندگی میں آگے بڑھنے کے مواقع پیدا کرنے کیلیئے کامیاب جوان پروگرام کا آج آغاز کیا جارہا ہے۔
— Firdous Ashiq Awan (@Dr_FirdousPTI) October 17, 2019
فردوس عاشق اعوان کا کہنا تھا کہ مقصد نوجوانوں کی معاشی فلاح، ترقی اور آگے بڑھنے کے مواقع پیدا کرنا ہے، نوجوان استحصالی نظام کے خلاف عمران خان کا ہر اول دستہ بن کر ابھرے ، نوجوانوں نے قریہ قریہ ،نگرنگر تبدیلی کا پیغام پہنچایا۔
معاون خصوصی نے کہا پروگرام نوجوانوں کےروزگار اور دیگر مسائل حل کرنے میں سنگ میل ثابت ہوگا، نوجوانوں کوبلاسوداور آسان شرائط پرقرضے فراہم کیے جائیں گے، پروگرام کےلیے 100 ارب روپے کی خطیر رقم مختص کی گئی ہے۔
کامیاب جوان پروگرام نوجوانوں کے روزگار اور دیگر مسائل حل کرنے میں ایک سنگ میل ثابت ہوگا۔نوجوانوں کو بلاسود اور آسان شرائط پر قرضے فراہم کیے جائیں گے۔ اس مقصد کے لئے 100 ارب روپے کی خطیر رقم مختص کی گئی ہے۔
— Firdous Ashiq Awan (@Dr_FirdousPTI) October 17, 2019
ان کا مزید کہنا تھا کہ خواتین کو معاشی خود مختار بنانے کےلیے 25 فیصد کوٹہ شامل ہے، خواتین کوطاقتور اوربااختیاربناکر ترقی یافتہ اقوام کے مقابلے میں لانا وزیراعظم کا وژن ہے۔
خواتین کو معاشی طور پر خود مختار بنانے کے لیے 25 فیصد کوٹہ بھی شامل ہے۔خواتین کو طاقتور اور بااختیار بنا کر ترقی یافتہ اقوام کے مقابلے میں لانا وزیراعظم عمران خان کا وژن ہے۔
— Firdous Ashiq Awan (@Dr_FirdousPTI) October 17, 2019
خیال رہے وزیراعظم عمران خان آج ملکی تاریخ کے سب سے بڑے فلاحی منصو بے کامیاب جوان پروگرام کا افتتاح کریں گے، پروگرام کے تحت نوجوانوں کو ایک لاکھ روپے تک کا بلاسود جبکہ پچاس لاکھ روپے تک کا کم شرح سود پر قرض مل سکے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں