اسلام آباد : معاون خصوصی برائے اطلاعات فردوس عاشق اعوان نے کہا کہ یزید کے پیروکار فسطائی مودی نے کشمیریوں کے بنیادی حقوق سلب کئے ، وہ دن دور نہیں جب یزید کی طرح ظالم مودی عبرت کا نشان بنے گا اور کشمیر آزاد ہوگا۔
تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر کہا کہ قاتل مودی کی غاصب فوج کا مقبوضہ وادی میں بدترین محاصرہ ہے، کرفیو کے باوجود کشمیریوں نے حضرت امام حسین ؓکی سنت کو زندہ کیا، حسینیت کے علمبرداروں نے بھارتی جبرکو للکارا، کشمیریوں نے حق و سچ پر ڈٹے رہنے کے غیر متزلزل عزم کا اظہار کیا۔
قاتل مودی کی غاصب فوج کے بدترین محاصرے اور کرفیو کے باوجود باہر نکل کر کشمیریوں نے حضرت امام حسین کی سنت کو زندہ کیا۔ حسینیت کے علمبرداروں نے بھارتی جبر کو للکارا ور حق و سچ پر ڈٹےرہنے کے غیر متزلزل عزم کا اظہار کیا۔
— Firdous Ashiq Awan (@Dr_FirdousPTI) September 9, 2019
فردوس عاشق اعوان کا کہنا تھا کہ یزید کے پیروکار فسطائی مودی نے کشمیریوں کے بنیادی حقوق سلب کئے، مودی نے آئینی حقوق غصب کرکے مذہبی آزادی بھی سلب کرلی، نہتے عزاداروں پر مظالم، گرفتاریوں کی شدید مذمت کرتے ہیں۔
یزید کے پیروکار فسطائی مودی نے مظلوم کشمیریوں کے بنیادی آئینی، جمہوری و انسانی حقوق غصب کرکے ان کی مذہبی آزادی بھی سلب کر لی۔ نہتے کشمیری عزاداروں پر مظالم اور گرفتاریوں کی شدید مذمت کرتے ہیں۔
— Firdous Ashiq Awan (@Dr_FirdousPTI) September 9, 2019
معاون خصوصی نے ایک اور ٹوئٹ میں کہا وہ دن دورنہیں جب یزید کی طرح ظالم مودی عبرت کا نشان بنے گا اورکشمیر آزادہوگا۔
وہ دن دور نہیں جب یزید کی طرح بھارت اور ظالم مودی بھی عبرت کا نشان بنے گا اور کشمیر آزاد ہوگا۔
— Firdous Ashiq Awan (@Dr_FirdousPTI) September 9, 2019
اے آر وائی نیوز کی ڈیجیٹل ڈیسک کی جانب سے شائع کی گئی خبریں