The news is by your side.

Advertisement

مولاناصاحب! مارچ کشمیریوں کیلئے کریں، چوروں کی آزادی کے لیے نہیں، فردوس عاشق اعوان

اسلام آباد : معاون خصوصی برائے اطلاعات فردوس عاشق اعوان نے کہا کہ مولاناصاحب!مشورہ کے بجائےاپنےبیٹےسےکہیں استعفیٰ دے دیں، مارچ کشمیریوں کیلئےکریں، چوروں کی آزادی کےلیےنہیں۔

تفصیلات کے مطابق وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر اپنے مولانا فضل الرحمان پر تنقید کرتے ہوئے کہا مولانا صاحب! موجودہ حکومت اور پارلیمان اس لیے ناجائز اور حرام ہے کیونکہ اس میں آپ موجود نہیں؟ ۔ آج آپ کی جمہوریت پسندی کہاں ہے؟آج کس منہ سے پارلیمان کو گرانے کے دعوے فرما رہے ہیں؟ آج آپ کے جمہوریت کے لئے اصول کہاں ہیں؟

فردوس عاشق اعوان کا کہنا تھا کہ مولانا صاحب! دوسروں کو مشورہ دینے کی بجائے اپنے بیٹے سے کہیں کہ استعفیٰ دے دیں، اپنے فرزند کے لیے پارلیمان بھی حلال؟ اس کی تنخواہ بھی حلال؟ مراعات بھی حلال؟ اس کی نشست بھی حلال؟ ۔

ایک اور ٹوئٹ میں انھوں نے کہا مولانا صاحب کو کشمیر سے زیادہ کشمیر کمیٹی سے دلچسپی ہے، منسٹر کالونی کے گھر کیلئے اسلام آباد کو لاک ڈاؤن نہ کریں، مارچ کشمیریوں کی آزادی کے لئے کریں، چوروں کی آزادی کےلئے نہیں؟ ۔

Comments

comments

یہ بھی پڑھیں