The news is by your side.

Advertisement

فضل الرحمان اسلام کونگاہ میں رکھیں اسلام آباد نہیں، فردوس عاشق اعوان

اسلام آباد : اسلام آباد : معاون خصوصی برائے اطلاعات ونشریات فردوس عاشق اعوان نے کہا ہے فضل الرحمان اسلام کونگاہ میں رکھیں اسلام آباد نہیں،فضل الرحمان عمران خان کی عداوت میں مبتلا ہیں۔

تفصیلات کے مطابق وزیراعظم کی معاون خصوصی برائے اطلاعات ونشریات فردوس عاشق اعوان نے سماجی رابطے کی ویب سائٹ ٹوئٹر پر مولانا فضل الرحمان پر تنقید کرتے ہوئے کہا فضل الرحمان اسلام کونگاہ میں رکھیں اسلام آباد نہیں، بچوں کوکرپٹ مافیاکےلیےسیاسی قوت بنانا اسلام ہے اور نہ جمہوریت۔

فردوس عاشق اعوان کا کہنا تھا فضل الرحمان عمران خان کی عداوت میں مبتلا ہیں، عالم دین ہونے کی حیثیت سے امن کو فروغ دیں عداوت کو نہیں۔

گذشتہ روز معاون خصوصی برائے اطلاعات ونشریات فردوس عاشق اعوان نے کہا تھا کچھ نااہل سیاست دان ملک میں عدم استحکام پیدا کررہے ہیں، نااہل سیاست دان عمران خان کی عداوت میں اکٹھے ہوئے تھے۔

مزید پڑھیں : کچھ نااہل سیاست دان ملک میں عدم استحکام پیدا کررہے ہیں، فردوس عاشق اعوان

ان کا کہنا تھا روایتی جماعتوں کے قائدین صرف اپنے بچوں اور اپنے مستقبل کیلئے فکر مند ہیں، وزیراعظم عمران خان کو قوم کے بچوں کا مستقبل سنوارنے کی فکر ہے،جماعتوں کو کمپنیاں سمجھ کر چلانے والوں کی خواہش ہے کہ پہلے انہوں نے لوٹا اب اگلی نسل کو قوم پر مسلط کر جائیں۔

فردوس عاشق اعوان نے کہا تھا وزیراعظم نے جرات مندانہ فیصلے کئے ہیں جن کے ثمرات جلد قوم کو ملیں گے اور پاکستان معاشی وسماجی لحاظ سے طاقتور ملک بن کر ابھرے گا، حیرت ان پر ہے جو جمہوریت کی بات تو کرتے ہیں لیکن عمل سے موروثی غلامی کا درس دے رہے ہیں-

Comments

comments

یہ بھی پڑھیں