اسلام آباد : معاون خصوصی برائے اطلاعات فردوس عاشق اعوان نے کہا آئیں چلیں سب مظفرآباد، بن کر کشمیریوں کی آواز ،دنیا کو پیغام دینا ہے کہ پورا پاکستان کشمیر کے لئے ایک ہے ، آئیں جبر کیخلاف وزیراعظم کیساتھ آواز بلند کریں۔
تفصیلات کے مطابق معاون خصوصی برائے اطلاعات فردوس عاشق اعوان نے سمای رابطے کی ویب سائٹ ٹوئٹر پر اپنے پیغام میں کہا ’’آئیں چلیں سب مظفرآباد، بن کر کشمیریوں کی آواز‘‘، وزیراعظم کی قیادت میں کل مظفرآباد جائیں گے ، بھارتی مظالم کیخلاف نہتے کشمیریوں کی آواز دنیا تک پہنچائیں گے، یہ وقت اتحاد اور یکجہتی کا ہے۔
"آئیں چلیں سب مظفرآباد،بن کر کشمیریوں کی آواز”
وزیراعظم عمران خان کی قیادت میں کل مظفرآباد میں بھارتی مظالم کے خلاف مقبوضہ جموں کشمیر کے نہتے عوام کی آواز کو پوری دنیا تک پہنچائیں گے۔ یہ وقت اتحاد اور یکجہتی کا ہے۔#LetsGoMuzaffarabad pic.twitter.com/xCpEUhwo9M
— Firdous Ashiq Awan (@Dr_FirdousPTI) September 12, 2019
فردوس عاشق اعوان کا کہنا تھا کہ دنیا کو پیغام دینا ہے کہ پورا پاکستان کشمیر کے لئے ایک ہے آئیں جبرکیخلاف وزیراعظم کیساتھ آوازبلندکریں، آئیں کشمیریوں سے یکجہتی کریں۔
دنیا کو پیغام دینا ہے کہ پورا پاکستان کشمیر کے لئے ایک ہے۔آئیں مظلوموں پر جبر و استبداد کے خلاف وزیراعظم کی آواز کے ساتھ اپنی آواز بلند کریں اور کشمیریوں سے یک جہتی کریں۔#LetsGoMuzaffarabad pic.twitter.com/jNThALeHIZ
— Firdous Ashiq Awan (@Dr_FirdousPTI) September 12, 2019
یاد رہے وزیراعظم عمران خان نے آزاد کشمیر کے علاقے مظفرآباد میں 13 ستمبر کو جلسہ عام کرنے کا اعلان کیا ہے۔
انہوں نے کہا تھا کہ مظفرآباد جانے کا مقصد پوری دنیا کو پیغام دینا ہے کہ ہم کشمیر کے ساتھ کھڑے ہیں، بھارت مقبوضہ وادی میں انسانی حقوق کی خلاف ورزیاں کررہا ہے اور میں اس ناانصافی کے خلاف ہر فورم پر آواز اٹھاؤں گا۔