The news is by your side.

Advertisement

کپتان قوم کوغلام ابن غلام بنانے سے بچانےکی جدوجہد کر رہے ہیں،فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا ہے کہ کل موروثی سیاسی آمریتوں کی اگلی نسلوں کومنتقلی کی تقریب تھی، کپتان قوم کوغلام ابن غلام بنانےسےبچانےکی جدوجہدکررہےہیں۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر بلاول افطار پارٹی کے حوالے سے کہا کل موروثی سیاسی آمریتوں کی اگلی نسلوں کومنتقلی کی تقریب تھی، کل لوٹ مارکےمال کےتحفظ کاتجدیدعہدکیاگیا۔

فردوس عاشق اعوان کا کہنا تھا قصیدہ گو اور دربان نے موروثی سیاسی آمریت کے ہاتھ پر بیعت کی، کپتان قوم کو غلام ابن غلام بنانے سے بچانے کی جدوجہدکر رہے ہیں۔

گذشتہ روز معاون خصوصی برائے اطلاعات فردوس عاشق اعوان نے کہا تھا کہ ملکی معیشت کو ڈبونے والے آج گٹھ جوڑ کررہے ہیں، آج ن لیگ اور پی پی کی نورا کشتی انجام کو پہنچ گئی ہے۔

مزید پڑھیں : ملکی معیشت ڈبونے والے آج گٹھ جوڑ کررہے ہیں، فردوس عاشق اعوان

فردوس عاشق اعوان کا کہنا تھا ملک کو انتشار کی طرف دھکیلنے والا ٹولہ موجودہ حالت کا ذمہ دار ہے، آج اس وفد کو مریم نواز لیڈ کرکے افطار ڈنر جارہی ہیں جبکہ حمزہ شہباز کا بیانیہ ان کا خاندان بھی نہیں مان رہا ہے۔

انہوں نے کہا تھا وزیراعظم عمران خان کے دل میں پاکستان کی عوام کا درد ہے، عمران خان کی قیادت میں اصل منزل کی طرف گامزن ہوں گے، عمران خان امید کا واحد روشن چراغ ہے۔

Comments

comments

یہ بھی پڑھیں