The news is by your side.

Advertisement

وزیراعظم کراچی کے دکھوں کا مداوا کرنے کیلئے پُرعزم ہیں، فردوس عاشق اعوان

اسلام آباد : معاون خصوصی برائے اطلاعات فردوس عاشق اعوان نے کہا ہے کہ کراچی پاکستان کامعاشی مرکز ہے اور سندھ کےعوام چوپٹ راج سے بیزار ہیں، وزیراعظم کراچی کے دکھوں کا مداوا اور روشنیوں کو نئی ضیا دینے کیلئے پر عزم ہیں۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا ہے کہ وزیراعظم آج کراچی میں پی ٹی آئی اراکین، اتحادیوں سے ملاقات کریں گے اور کامرس کالج کادورہ کریں گے اور حب میں 1320میگاواٹ کے منصوبے کا افتتاح بھی کریں گے۔

فردوس عاشق اعوان کا حکومت سندھ پرتنقید کرتے ہوئے کہنا تھا کہ کراچی پاکستان کامعاشی مرکز ہے، وزیراعظم کراچی کے دکھوں کا مداوا اور روشنیوں کو نئی ضیا دینے کیلئے پر عزم ہیں، سندھ کے عوام چوپٹ راج سے بیزار ہیں، وزیراعظم ایم کیوایم اورجی ڈی اے رہنماؤں کے ساتھ اصلاح کی راہ ہموار کریں گے۔

معاون خصوصی نے مزید کہا سندھ کی تاریخی اہمیت ہےاسےمستحکم کرنا ہماری اولین ذمہ داری ہے۔

خیال رہے وزیراعظم عمران خان بلوچستان اور کراچی کے دورہ کے لئے روانہ ہوگئے ہیں ، حب میں نئے پاور اسٹیشن کا افتتاح بھی کریں گے جبکہ کراچی میں وزیراعظم گورنر ہاؤس میں اراکان اسمبلی اور پی ٹی آئی رہنماؤں سے ملاقاتوں کے ساتھ بزنس کمیونٹی سے بھی ملیں گے جبکہ پی ایس گیارہ لاڑکانہ سے کامیاب معظم عباسی کی وزیراعظم عمران خان سے ملاقات بھی متوقع ہے۔

Comments

comments

یہ بھی پڑھیں