The news is by your side.

Advertisement

‘لاہور قلندر اور کراچی کنگز دونوں میرے بازو ہیں’

لاہور : معاون خصوصی برائے اطلاعات پنجاب فردوس عاشق اعوان نے پاکستان سپرلیگ کے فائنل کے حوالے سے کہا کہ لاہور قلندر اور کراچی کنگز دونوں میرے بازو ہیں ، لاہور قلندر پنجاب کا دل اور کراچی دماغ ہیں۔

تفصیلات کے مطابق پاکستان سپرلیگ کے فائنل میں کراچی کنگزاورلاہورقلندرز آج مدمقابل ہوں گے، معاون خصوصی برائے اطلاعات پنجاب فردوس عاشق اعوان کا کہنا ہے کہ لاہور قلندر اور کراچی کنگز دونوں میرے بازو ہیں. دونوں ٹیموں میں آج پنجہ آزمائی ہونے جا رہی ہے۔

فردوس عاشق اعوان کا کہنا تھا کہ لاہور قلندر پنجاب کا دل اور کراچی دماغ ہیں، لاہور قلندر کے فاسٹ بالرز کو پرفارم کرنا چاہئے۔

دوسری جانب سینیٹر فیصل جاوید نے پاکستان سپرلیگ کے فائنل کے حوالے سے کہا کہ پی ایس ایل میچز کاپاکستان میں ہونا بہت بڑی کامیابی ہے، وزیراعظم عمران خان نے جو کہا الحمدللہ کرکےدکھایا، ٹاپ انٹرنیشنل پلیئرزکا ٹورنامنٹ میں حصہ لینا خوش آئند ہے۔

فیصل جاوید کا کہنا تھا کہ کوروناسے پہلےتماشائیوں کی بڑی تعداد کا آنا قابلِ ستائش تھا، پی ایس ایل اب صحیح معنوں میں بڑا انٹرنیشنل برینڈبن گیا ہے۔

رہنما پی ٹی آئی نے کہا کہ پی ایس ایل پلیٹ فارم سے نیا ٹیلنٹ سامنے آ رہا ہے، نئے لڑکوں کی کارکردگی بہت ہی کمال کی رہی،ٹورنامنٹ کے کامیاب انعقاد پر پی سی بی ودیگرانتظامیہ کو مبارک۔

وزیر قانون پنجاب راجہ بشارت کا کہنا تھا کہ یہ فائنل کورونا کی وجہ سے لاہور سے ملتوی کر دیا گیا تھا، کورونا کے بعدپہلی بار پاکستان میں انٹرنیشنل کرکٹ بحال ہوئی ، دونوں ٹیمیں ہماری ہیں،ہم دونوں کوسپورٹ کر رہے ہیں۔

Comments

یہ بھی پڑھیں