The news is by your side.

Advertisement

نئے پاکستان میں عمران خان قائداعظم کےسپاہی ہیں، فردوس عاشق اعوان

اسلام آباد : معاون خصوصی برائے اطلاعات ونشریات فردوس عاشق اعوان نے کہا ہے کہ نئے پاکستان میں عمران خان قائداعظم کےسپاہی ہیں، عمران خان ملک کواستحکام پاکستان کی طرف لےجارہےہیں، عمران خان جس مشن سےچل رہے ہیں ان کاکوئی سیاسی ایجنڈانہیں۔

تفصیلات کے مطابق معاون خصوصی برائے اطلاعات ونشریات فردوس عاشق اعوان نے میڈیا سے گفتگو کرتے ہوئے کہا قیمتی اثاثوں کومحفوظ بنایا جارہا ہے ، نادر تصاویر کو محفوظ کرکے تاریخ نوجوان نسل تک پہنچا رہے ہیں، تاریخی اثاثے کو ڈیجیٹلائز کرکے محفوظ کیا جارہاہے، پاکستان کی معلومات والا قائداعظم سے متعلق بھی جاننا چاہتاہے۔

معاون خصوصی برائے اطلاعات کا کہنا تھا دورحاضرکی ضرورت ہے ریکارڈ میں جدت لائے ہیں ، پاکستان کی آزادی لازوال قربانیوں کی داستان ہے ، میڈیا کے لئے قیام پاکستان، استحکام پاکستان اور تعمیر پاکستان ہے۔

قائداعظم سے متعلق نادرتصاویرانٹرنیٹ پردستیاب ہوں گی

فردوس عاشق اعوان نے کہا کہ نئے پاکستان میں عمران خان قائداعظم کےسپاہی ہیں، عمران خان ملک کو استحکام پاکستان کی طرف لے جارہےہیں۔

ان کا کہنا تھا کہ قائداعظم سے متعلق نادرتصاویرانٹرنیٹ پردستیاب ہوں گی، آئندہ نسلوں کے لئے قائداعظم کی تصاویر معلومات کا بڑا ذریعہ بنیں گی، آج خوشی کادن ہےکہ ایک بڑا ذخیرہ محفوظ کرلیاگیا ہے۔

عمران خان قومی مفاد میں اور آئندہ نسل کا مقدمہ لڑ رہے ہیں

معاون خصوصی نے کہا قائداعظم کامقصدذات نہیں بلکہ نظریہ تھا، قائداعظم کا نظریہ مسلمانوں کےبنیادی حقوق کاتحفظ تھا، عمران خان جس مشن سے چل رہے ہیں ان کاکوئی سیاسی ایجنڈا نہیں، عمران خان قومی مفاد میں اور آئندہ نسل کا مقدمہ لڑ رہے ہیں۔

حقیقی آزادی اس دن ہوگی جس دن پاکستان معاشی طورپرترقی کرے گا

فردوس عاشق اعوان کا مزید کہنا تھا کہ قیام پاکستان کےبعدمخصوص ٹولےنےملک پرقبضہ کیا، ہم نےانگریزسےجدوجہدکرکےآزادی حاصل کی، حقیقی آزادی اس دن ہوگی جس دن پاکستان معاشی طورپرترقی کرے گا۔

Comments

comments

یہ بھی پڑھیں