The news is by your side.

Advertisement

سینیٹ پر ہونے والے حملے کو باشعور سینیٹرز  نے ناکام بنا دیا: فردوس عاشق اعوان

اسلام آباد: فردوس عاشق اعوان نے کہا ہے کہ سینیٹ پر ہونے والے حملے کو باشعور سینیٹرز  نے ناکام بنا دیا.

ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ عوام دوست سینیٹر کو تحریک ناکام بنانے پرمبارک باد پیش کرتی ہوں.

فردوس عاشق نے کہا کہ تمام صوبوں کی بھائیوں کی طرح شناخت کرنے والا ادارہ سینیٹ ہے، اپوزیشن کی جانب سے شناخت والے ادارے کے خلاف سازش کی گئی، اپوزیشن نےذاتی ایجنڈے کی تکمیل کے لئے سازش کی.

معاون خصوصی برائے اطلاعات نے کہا کہ آج اپوزیشن کی اپنی صفوں میں بغاوت ہوئی ہے، اگست میں سینیٹ میں اپوزیشن کی ناکامی پاکستان کی کامیابی ہے، سینیٹ عوام کی طاقت کاسرچشمہ ہے،آج نئے پاکستان کا آغاز ہوا.

مزید پڑھیں: چیئرمین سینیٹ صادق سنجرانی کے خلاف تحریک عدم اعتماد ناکام

عمران خان کی قیادت میں پاکستان استحکام حاصل کرکے رہے گا، عمران خان تعمیر پاکستان کے لئے جدوجہد کر رہے ہیں، معاشی مشکلات کے باوجودعمران خان بہتری کے لئے کوششیں کر رہے ہیں.

فردوس عاشق اعوان نے کہا کہ اپوزیشن کودعوت دیتی ہوں بغض اورعداوت نکال دیں، اپوزیشن نئے پاکستان کے لئےعمران خان کے ساتھ کھڑی ہو، اپوزیشن کے ساتھ بیٹھ کرشکست کے زخم پرمرہم کے لئے تیار ہیں.

معاون خصوصی برائے اطلاعات نے کہا کہ غریب عوام کا درد عمران خان کے دل میں ہے.

Comments

comments

یہ بھی پڑھیں