The news is by your side.

Advertisement

حکومت اور پاک فوج نے مل کر ملک کو ترقی کی راہ پر گامزن کیا، فردوس عاشق

اسلام آباد : وفاقی مشیر اطلاعات فردوس عاشق اعوان نے کہا ہے کہ حکومت اور پاک فوج نے مل کر ملک کو ترقی کی راہ پر گامزن کیا، تمام ملکی اداروں میں ہم آہنگی کی ضرورت ہے۔

ان خیالات کا اظہار انہوں نے اسلام آباد میں پریس کانفرنس سے خطاب کرتے ہوئے کیا، انہوں نے کہا کہ افواج پاکستان میں کام کرنے والے بارڈر پر کھڑے ہیں، افواج پاکستان نے ملکی سلامتی کے لئےقربانیاں دیں، حکومت اور فوج یکجہتی سے مسائل حل کررہی ہے۔

انہوں نے کہا کہ تمام اداروں کے درمیان باہمی اعتماد اور ہم آہنگی ہے، ہمارے جوانوں نے ہرمحاذ پر دشمنوں کے دانت کھٹےکیے، مل کرخارجی، داخلی مسائل پر قابو پانے میں کامیاب ہوئے، حکومت اور پاک فوج نے مل کرملک کو ترقی کی راہ پر گامزن کیا، تمام ملکی اداروں میں ہم آہنگی کی ضرورت ہے۔

اٹارنی جنرل انور منصور خان کے ہمراہ پریس کانفرنس کرتے ہوئے انہوں نے کہا کہ بہادر جوانوں اور افسران نے اپنے خون سے امن بحال کیا، افواج پاکستان کا مورال بلند کرنا قومی قریضہ ہے، معیشت کو استحکام ملنے پرعالمی سطح پر پذیرائی مل رہی ہے۔

فردوس عاشق اعوان کا کہنا تھا کہ ہمارے جوانوں کا حوصلہ بلند رکھناہمارا فرض ہے، افواج پاکستان نے ملکی دفاع کیلئے لازوال قربانیاں دیں، آج ایسا فیصلہ آیا جس کے بعد کچھ لوگ جشن منارہے ہیں، داخلی اور خارجی محاذ پر پاکستان کامیابیاں سمیٹ رہا ہے۔

مشیر اطلاعات نے کہا کہ فیصلے پرجشن منانے والے مشرف کے ہی حلف یافتہ ہیں، سیاسی جماعتیں اپنی تسکین کیلئےقومی بیانیہ نہیں دےرہیں۔

افواج پاکستان نےجمہوریت کی آبیاری کی، کچھ نادان دوست افواج پاکستان کی تضحیک میں مصروف ہیں، سب سے پہلے پاکستانی ہیں اس کے بعد اور کوئی شناخت ہے قومی سلامی کے اداروں پرالزام تراشی درست عمل نہیں۔

پاکستان مخالف قوتیں تقسیم بیانیہ کو کمزوری تصور کررہے ہیں، آزادی اظہار رائے ہے مگر دھرتی ماں پرسمجھوتہ نہیں ہوگا، پاکستان مقدم ہے اورادارے طاقت رکھتے ہیں، اداروں کو کمزور کرنے کی سازش کا حصہ نہیں بننا چاہیے۔

Comments

یہ بھی پڑھیں