The news is by your side.

Advertisement

وزیراعظم نے مکہ سمٹ میں امت مسلمہ کا مقدمہ لڑا، فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا ہے کہ وزیراعظم نے مکہ سمٹ میں امت مسلمہ کا مقدمہ لڑا ہے، وزیراعظم کی سرپرستی میں پاکستان عالمی مقام پر اپنا مقام حاصل کرے گا۔

تفصیلات کے مطابق معاون خصوصی برائے اطلاعات فردوس عاشق اعوان نے پریس کانفرنس کرتے ہوئے کہا کہ وزیراعظم کی سرپرستی میں پاکستان حقوق اللہ، حقوق العباد کا چیمپئن بنے گا، جب تک حقوق اللہ کے ساتھ حقوق العباد مکمل نہ ہوں تو اسلام مکمل نہیں ہوتا، وزیراعظم نے مکہ سمٹ میں پاکستان کا سر فخر سے بلند کیا۔

انہوں نے کہا کہ وزیراعظم کی سعودی عرب میں تقریر دھواں دار تھی، عمران خان نے دنیا کو باور کرایا ہمارا اصل راستہ دین ہے، ہم نے دین اسلام کو دنیا میں پھر سے متعارف کرنا ہے۔

کابینہ اجلاس پر فردوس عاشق اعوان نے کہا کہ کابینہ نے وزیراعظم کے ساتھ بھرپور تعاون کا اظہار کیا اور کاوشوں کو سراہا، ہر پالیسی میں پاکستان کا مفاد مدنظر رکھا جارہا ہے، پی ٹی آئی حکومت یکساں انصاف یقینی بنانے کا مینڈیٹ لے کر آئی ہے۔

مزید پڑھیں: برٹش ایئرویزکی آمد نئے پاکستان اورحکومت پراعتماد کا مظہر ہے، فردوس عاشق اعوان

فردوس عاشق اعوان نے کہا کہ جہاں رول آف لا کی بات ہے وہاں شہریوں کے حقوق ضروری ہیں، کابینہ کو بتایا گیا جو 70 سال سے ہورہا ہے اس کو اب روکنا پڑے گا، 70 سال کے فرسودہ سسٹم سے پاکستان کو نجات دلانے آئے ہیں، ایسا نہیں ہوسکتا وزیراعظم تمام چیزوں سے آنکھیں بند کرلیں۔

معاون خصوصی برائے اطلاعات نے کہا کہ ایسٹس ریکوری یونٹ شہزاد اکبر کی نگرانی میں کام کررہا ہے، وزیراعظم نے عزم کا اعادہ کیا قانون سے بالاتر کوئی نہیں ہے۔

انہوں نے کہا کہ ہمیں یکساں احتساب کے عمل کو آگے لے کر چلنا ہے، عوام، ادارے توقع کرتے ہیں اسٹیٹس کو کا حصہ نہ بنیں، قوم نے ذمہ داری ڈالی ہے آئین و قانون کے تحت کام کرنا ہے۔

Comments

comments

یہ بھی پڑھیں