اسلام آباد: معاون خصوصی برائے اطلاعات ونشریات فردوس عاشق اعوان کا کہنا ہے کہ عوام نے اپنے ووٹ کی طاقت سے لٹیروں کو نظام سے ہی باہر پھینک دیا۔
تفصیلات کے مطابق سماجی رابطے کی ویب سائٹ ٹویٹر پرمشیر اطلاعات فردوس عاشق اعوان نے کہا کہ معزز جج کا بیان آنے کے بعد ابو بچاؤ مہم فلاپ ہوچکی ہے۔
مشیر اطلاعات ونشریات فردوس عاشق اعوان نے کہا کہ عوام نے اپنے ووٹ کی طاقت سے لٹیروں کو نظام سے ہی باہر پھینک دیا۔
احتساب عدالت کے معزز جج کا بیان آنے کے بعد ابو بچاؤ مہم فلاپ ہو چکی۔ وزیراعظم عوام بناتے ہیں ۔قوم نے ہی لٹیروں کو اس انجام تک پہنچایا۔ اپنے ووٹ کی طاقت سے لٹیروں کو نظام سے ہی باہر پھینک دیا۔بیگم صفدر اعوان کے شیخ چلی کے خواب دیکھنے پر پابندی نہیں۔
— Firdous Ashiq Awan (@Dr_FirdousPTI) July 8, 2019
انہوں نے کہا کہ منڈی بہاالدین میں جلسہ تو نہ ہوسکا، کارنرمیٹنگ سے کام چلایا گیا، پٹواریوں، انتظامیہ اورپولیس پر بس نہیں رہا، اب جلسے نہیں ورکرز کنونشن کی کوشش ہو رہی ہے۔
منڈی بہاوالدین میں جلسہ تو نہ ہوسکا، کارنر میٹنگ سے گزارا چلایا گیا۔ پٹواریوں،انتظامیہ اور پولیس پر بس نہیں رہا اسی لئے اب جلسے نہیں ورکرز کنونشن کی کوشش ہو رہی ہے۔
— Firdous Ashiq Awan (@Dr_FirdousPTI) July 8, 2019
پریس ریلیزکے بعد دو مشکوک کرداروں کی حقیقت کھل کرسامنے آگئی، فردوس عاشق اعوان
یاد رہے کہ گزشتہ روز معاون خصوصی برائے اطلاعات ونشریات فردوس عاشق اعوان کا کہنا تھا کہ حکومت نے ویڈیواورآڈیو کے فرانزک آڈٹ کا فیصلہ کرلیا ہے، قانونی کارروائی کا آغازکریں گے۔
معاون خصوصی برائے اطلاعات ونشریات کا کہنا تھا کہ تمام معلومات عوام اورمیڈیا کے سامنے رکھی جائیں گی، یہ گروہ اورکرمنل مافیا منہ چھپاتا پھرے گا، ہم عوام سے کچھ نہیں چھپائیں گے۔