The news is by your side.

Advertisement

لوگ ضمیر کی آواز پر موروثی غلامانہ سیاست مسترد کررہے ہیں، فردوس عاشق اعوان

اسلام آباد : معاون خصوصی برائے اطلاعات ونشریات فردوس عاشق اعوان کا کہنا ہے کہ 2013 میں ظل سبحانی نے جو دھاندلی کی تھی وہ راجکماری کیوں بھول گئیں؟۔

تفصیلات کے مطابق معاون خصوصی برائے اطلاعات فروس عاشق اعوان نے اپنے پیغام میں کہا کہ ضمیرکی آواز پر لبیک کہنے والوں کے خلاف کس منہ سے بول رہے ہیں؟۔

انہوں نے کہا کہ آپ توچھانگا مانگا گروپ آف انڈسٹریزچلانے والے ہیں، ذاتی اور سیاسی مفاد کے لیے آپ نے وفاق کی علامت ادارے کو بھی معاف نہیں کیا۔

فردوس عاشق اعوان نے کہا کہ راجکماری جی آنکھیں کھولیں، یہ نیا پاکستان ہے، لوگ ضمیر کی آواز پر موروثی غلامانہ سیاست مسترد کر رہے ہیں۔

معاون خصوصی برائے اطلاعات نے کہا کہ سینیٹ کی جیت نے جمہوریت کو روبوٹ بنانے والوں کی سیاست دفن کر دی، اپوزیشن پہلے اپنی صفوں میں جمہوریت کو فروغ دے۔

انہوں نے کہا کہ معزز سینیٹرز کو دھمکیاں دینا انتہائی قابل مذمت ہے، اپنی مرضی سے ووٹ دینا ہی اصل جمہوریت ہے۔

فردوس عاشق اعوان نے کہا کہ 2013 میں ظل سبحانی نے الیکشن نتائج سے پہلے ہی اعلان کیا تھا، ظل سبحانی نے جو دھاندلی کی تھی وہ راجکماری کیوں بھول گئیں؟۔

Comments

comments

یہ بھی پڑھیں