The news is by your side.

Advertisement

پلانٹ فار پاکستان کا مقصدملک کے ہر چپے کو سبزوشاداب بنانا ہے، فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا کہ وزیراعظم عمران خان نے شجرکاری کو خصوصی اہمیت دی۔

تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے اپنے پیغام میں کہا کہ پلانٹ فار پاکستان کا مقصدملک کے ہر چپے کو سبزوشاداب بنانا ہے۔

فردوس عاشق اعوان نے کہا کہ عمران خان واحد رہنما ہیں جنہوں نے ماحولیاتی چیلنجز سےنمٹنے کے لیے اقدام اٹھائے، وزیراعظم عمران خان نے شجرکاری کوخصوصی اہمیت دی۔

معاون خصوصی برائے اطلاعات فردوس عاشق اعوان نے کہا کہ تمام شہری مہم کا حصہ بنیں اور پودا لگائیں، درخت لگانا سنت نبویﷺ اور صدقہ جاریہ ہے۔

مشیر تجارت عبد الرزاق داؤد نے پارلیمنٹ لاجز میں پھل دار پودا لگایا

یاد رہے کہ گزشتہ روز مشیر تجارت رزاق داؤد نے بھی کلین اینڈ گرین مہم میں حصہ لیتے ہوئے پارلیمنٹ کے لان میں پودا لگایا تھا۔ اس موقع پر وزارت تجارت کے اعلیٰ حکام بھی ان کے ہم راہ موجود تھے۔

اس سے قبل گزشتہ دنوں اسلام آباد میں وزیر اعظم عمران خان نے کلین اینڈ گرین پاکستان مہم کا باقاعدہ آغاز کرتے ہوئے کہا تھا کہ پاکستان کو درختوں کی بہت ضرورت ہے، پانچ سال بعد پاکستان یورپ سے زیادہ صاف نظر آئے گا، ایسا پاکستان چھوڑ کر جائیں گے کہ یقین ہی نہیں آئے گا۔

Comments

comments

یہ بھی پڑھیں