اسلام آباد: وزیراعظم کی معاون خصوصی برائے اطلاعات فردوس عاشق اعوان نے کہا کہ عمران خان پر دنیا کے اعتماد کا اظہار ان کی صلاحیتوں کا اعتراف ہے۔
تفصیلات کے مطابق سماجی رابطے کی ویب سائٹ ٹویٹر پر معاون خصوصی برائے اطلاعات فردوس عاشق اعوان نے اپنے پیغام میں کہا کہ وزیراعظم عمران خان کی امریکی صدر سے کامیاب ملاقات پاکستان کی کامیابی ہے۔
انہوں نے کہا کہ قوم کو اپنے رہبر پرناز ہے جس نے پاکستان کی باوقار نمائندگی کی، عمران خان پر دنیا کے اعتماد کا اظہار ان کی صلاحیتوں کا اعتراف ہے۔
وزیراعظم عمران خان کی صدر ڈونلڈ ٹرمپ سے کامیاب ملاقات پاکستان کی کامیابی ہے۔قوم کو کو اپنے رہبر پر ناز ہے جس نے باوقار انداز سے بین الاقوامی سطح پر پاکستان کی نمائندگی کی۔
— Dr. Firdous Ashiq Awan (@Dr_FirdousPTI) July 23, 2019
فردوس عاشق اعوان نے کہا کہ پاکستان مسئلہ کشمیر پرثالثی کی امریکی صدر کی پیشکش کا خیرمقدم کرتا ہے، تنازعہ کشمیر پر گفتگو سے بنیادی مسئلے کے حل کی اہمیت اجاگر ہوئی۔
پاکستان مسئلہ کشمیر پر ثالثی کیلئے امریکی صدر کی پیشکش کا خیرمقدم کرتا ہے۔ملاقات میں پاکستان اور بھارت کے مابین تنازعہ کشمیر پر گفتگو سے خطے کے بنیادی مسئلے کے حل کی اہمیت بھرپور انداز سے اجاگر ہوئی۔
— Dr. Firdous Ashiq Awan (@Dr_FirdousPTI) July 23, 2019
معاون خصوصی برائے اطلاعات نے مزید کہا کہ ٹرمپ نے افغان مسئلے پر وزیراعظم عمران خان کے موقف کی تائید کی۔
صدر ڈونلڈ ٹرمپ کا افغان مسئلے پر وزیراعظم پاکستان کے موقف کی تائید اور انہیں مقبول رہنما قرار دینا عمران خان پر دنیا کے بڑھتے ہوئے اعتماد کا اظہار اور انکی قائدانہ صلاحیتوں کا اعتراف ہے۔
— Dr. Firdous Ashiq Awan (@Dr_FirdousPTI) July 23, 2019
امریکی صدر نے کشمیر پر ثالثی کی پیشکش کر دی
واضح رہے کہ وزیراعظم عمران خان وائٹ ہاؤس پہنچے تو امریکی صدر ڈونلڈ ٹرمپ نے ان کا استقبال کی، دونوں رہنماؤں نے مصافحہ کیا۔ پہلے مرحلے میں وزیراعظم عمران خان اور امریکی صدر ڈونلڈ ٹرمپ کی ون آن ون ملاقات ہوئی۔
وزیراعظم عمران خان سے ملاقات میں امریکی صدر ڈونلڈ ٹرمپ نے مسئلہ کشمیر پر پاکستان اور بھارت میں ثالثی کی پیشکش بھی کی۔
