The news is by your side.

Advertisement

وزیراعظم کا دورہ چین لازوال دوستی کے بندھن کومضبوط کرے گا، فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان کا کہنا ہے کہ وزیراعظم عمران خان کا دورہ معیشت،اسٹریٹجک تعلقات کو مزید مستحکم کرے گا۔

تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے اپنے پیغام میں کہا کہ وزیراعظم کا دورہ چین لازوال دوستی کے بندھن کومضبوط کرے گا۔

فردوس عاشق اعوان نے کہا کہ ہمالیہ سے بلند، شہد سے میٹھی دوستی محبتوں کی آئینہ دار ہے، پاک چین دوستی کی اقوام عالم میں بھرپور گونج سنائی دیتی ہے۔

معاون خصوصی برائے اطلاعات نے کہا کہ مظلوم کشمیریوں کی حمایت میں پاکستانی مؤقف کی تائید پرچین کا شکریہ ادا کرتے ہیں۔

انہوں نے کہا کہ وزیراعظم کا دورہ معیشت،اسٹریٹجک تعلقات کومزید مستحکم کرے گا، وزیراعظم چینی صدر اور وزیراعظم سے ملاقاتیں کریں گے۔

فردوس عاشق اعوان نے کہا کہ مقبوضہ جموں کشمیرمیں تشویش ناک صورت حال پرتبادلہ خیال کریں گے۔

Comments

comments

یہ بھی پڑھیں