اسلام آباد: معاون خصوصی برائے اطلاعات ونشریات فردوس عاشق اعوان کا کہنا ہے کہ وزیراعظم پاکستان کو سرمایہ کار دوست ملک بنانے جا رہے ہیں۔
تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے کہا کہ امیرقطر کا دورہ بھائی چارے پرمبنی تعلقات کو اورمضبوط کرے گا۔
امیر قطر کا پاکستان دورہ دونوں ممالک کے مابین بھائی چارے پر مبنی تعلقات کو مختلف شعبوں میں مزید مضبوط اور فروغ دے گا۔عمران خان کی قیادت میں پاکستان سرمایہ کاری اور سیاحت میں دنیا کے لیے ایک پرکشش منزل بن کر ابھر رہا ہے۔وزیراعظم پاکستان کو سرمایہ کار دوست ملک بنانے جا رہے ہیں۔
— Firdous Ashiq Awan (@Dr_FirdousPTI) June 23, 2019
انہوں نے کہا کہ وزیراعظم پاکستان کو سرمایہ کار دوست ملک بنانے جا رہے ہیں، پاکستان سرمایہ کاری اور سیاحت میں پرکشش منزل بن کر ابھر رہا ہے۔
فردوس عاشق اعوان نے کہا کہ ماضی میں قطر سے تعلقات میں قومی کی بجائے خاندانی مفادات کوترجیح دی گئی، قریبی تعلقات متحرک معاشی تعاون میں تبدیل ہوں گے۔
ماضی میں قطر کے ساتھ تعلقات میں قومی مفاد کے تحفظ کی بجائے خاندانی مفادات کو ترجیح دی گئی۔اب قریبی اور خوشگوار تعلقات مضبوط اور متحرک معاشی تعاون میں تبدیل ہوں گے ۔دونوں ممالک کے مابین مختلف شعبوں میں معاہدے دو طرفہ تعلقات اور باہمی تعاون کو مزید وسعت دیں گے۔
— Firdous Ashiq Awan (@Dr_FirdousPTI) June 23, 2019
معاون خصوصی برائے اطلاعات ونشریات نے کہا کہ مختلف معاہدے دو طرفہ تعلقات اور تعاون کو مزید وسعت دیں گے۔
امیر قطر کا شایان شان استقبال، وزیر اعظم سے ملاقات
واضح رہے کہ گزشتہ روز امیر قطر شیخ تمیم بن حمد الثانی 2 روزہ دورے پر اپنے وفد کے ہمراہ پاکستان پہنچے تھے۔
