The news is by your side.

Advertisement

شہباز شریف کو ضمانت ملی ہے، کلیئرنس سرٹیفکیٹ نہیں، فردوس عاشق اعوان

اسلام آباد : معاون خصوصی ڈاکٹر فردوس عاشق اعوان نے کہا ہے کہ شہباز شریف کو عدالت سے ضمانت ملی ہے کلیئرنس سرٹیفکیٹ نہیں، ملکی فضائیں اپوزیشن لیڈر کی متلاشی ہیں۔

ان خیالات کا اظہار انہوں نے اسلام آباد میں میڈیا سے گفتگو کرتے ہوئے کیا، فردوس عاشق اعوان نے کہا کہ شہباز شریف جس مقصد کیلئے لندن گئے آگاہ نہیں کیا،وہ بتائیں کہ علی عمران اوراسحاق ڈار وہاں کیا کررہے ہیں، شہبازشریف کو ضمانت ملی ہے کلیئرنس سر ٹیفکیٹ نہیں، شہباز شریف بتا دیتے کہ ان کی واپسی کا کب ارادہ ہے۔

انہوں نے کہا کہ شہبازشریف نے خود کو اچھا بچہ ثابت کرنے کی کوشش کی، ہم نوازشریف کی صحت کی تازہ صورتحال جاننا چاہتے ہیں، اپوزیشن نے اتفاق رائے کیلئےایک ہفتے کا وقت مانگا، دوسری جانب اپوزیشن ارکان نے عدالت سے رجوع کرلیا، حکومت نے پوری کوشش کی معاملے پراتفاق رائے ہو۔

کابینہ میں شامل وزیر بھی انکوائریوں کا سامنا کررہے ہیں، شہباز شریف نے قوم کی آنکھوں میں دھول جھونکنے کی کوشش کی اور نیب نیازی گٹھ جوڑ کا بے سرا راگ الاپا،عمران خان نیازی صاحب فخر سے کہتے ہیں کہ نیازی میرا قبیلہ ہے لیکن آپ بھی قوم کو اپنا تعارف کروادیں کہ میاں کونسی ذات ہے۔

فردوس عاشق اعوان کا کہنا تھا کہ شہباز شریف جو ٹرافی لہراتے رہے وہ حقائق کے برعکس ہے، سپریم کورٹ میں شہبازشریف کی ضمانت کا مقدمہ تھا، انہوں نے من گھڑت بیانیہ پیش کیا ہے۔

شہباز شریف نے ایک گھنٹے اپنی آپ بیتی قوم کو سنائی ہے ، شہبازشریف نے جس ڈھٹائی کے ساتھ قوم کی آنکھوں میں مرچیں ڈالنے کی کوشش کی ہے وہ قابل مذمت ہے۔

انہوں نے کہا کہ آشیانہ ہاﺅسنگ سے متعلق کیس ابھی زیر سماعت ہے اور اس پر شہادتوں کا سلسلہ جاری ہے جب تک اس کیس کا فیصلہ نہیں آتا شہباز شریف ملزم ہی ٹھہریں گے کیونکہ شہباز شریف کو بیل دی گئی ہے بے گناہی کا سرٹیفکیٹ عطا نہیں ہوا۔

Comments

یہ بھی پڑھیں