The news is by your side.

Advertisement

سیاست میں ہرغیراخلاقی اقدام کا سرا ن لیگ کی طرف جاتا ہے، فردوس عاشق اعوان

اسلام آباد : معاون خصوصی برائے اطلاعات ونشریات فردوس عاشق اعوان کا کہنا ہے کہ غریب کی کٹیا اجاڑ کر ایون فیلڈ میں کیمپ لگائے۔

تفصیلات کے مطابق معاون خصوصی برائے اطلاعات ونشریات فردوس عاشق اعوان نے ٹویٹر پر اپنے پیغام میں کہا کہ ٹی ٹیزکی دوڑمیں بیگم صفدربھی دیگراہل خانہ سے پیچھے نہ رہیں۔

فردوس عاشق اعوان نے کہا کہ ہل میٹل سے لاتعلقی کا دعویٰ کیا، اسی کمپنی سے رقم منتقلی باعث شرم ہے، مریم صفدر صاحبہ اب آپ کا ضمیر کہاں ہے؟۔

معاون خصوصی برائے اطلاعات نے کہا کہ سیاست میں ہرغیراخلاقی اقدام کا کھرا ن لیگ کی طرف جاتا ہے، اعمال سامنے آ رہے ہیں،عوام کے حق پر ڈاکہ ڈالا اورملکی وسائل کو لوٹا۔

ڈاکٹر فردوس عاشق اعوان نے اپنے پیغام میں مزید کہا کہ غریب کی کٹیا اجاڑ کر ایون فیلڈ میں کیمپ لگائے۔

لوگ ضمیر کی آواز پر موروثی غلامانہ سیاست مسترد کررہے ہیں، فردوس عاشق اعوان

یاد رہے کہ گزشتہ روز معاون خصوصی برائے اطلاعات ونشریات فردوس عاشق اعوان کا کہنا تھا کہ 2013 میں ظل سبحانی نے جو دھاندلی کی تھی وہ راجکماری کیوں بھول گئیں؟۔

معاون خصوصی برائے اطلاعات فروس عاشق اعوان کا کہنا تھا کہ ضمیرکی آواز پر لبیک کہنے والوں کے خلاف کس منہ سے بول رہے ہیں؟۔

Comments

comments

یہ بھی پڑھیں