لاہور: وزیر اعلیٰ پنجاب کی معاون خصوصی ڈاکٹر فردوس عاشق اعوان کا کہنا ہے کہ وزیر اعظم کشمیریوں کے لیے مسیحا بن کر سامنے آئے ہیں۔ کشمیریوں نے مسلم لیگ ن اور پیپلز پارٹی کو آزما کر دیکھ لیا، دونوں جماعتوں نے صرف اپنی جیبیں بھرنے کے علاوہ کچھ نہ کیا۔
تفصیلات کے مطابق وزیر اعلیٰ پنجاب سردار عثمان بزدار کی معاون خصوصی برائے اطلاعات و نشریات ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ وزیر اعظم عمران خان اس پار اور اس پار کے کشمیریوں کے لیے مسیحا بن کر سامنے آئے ہیں۔
معاون خصوصی کا کہنا تھا کہ اس پار مودی اور اس پار مودی کے یاروں کو کیفر کردار تک پہنچا رہے ہیں۔
وزیراعظم عمران خان اِس پار اور اُس پار کے کشمیریوں کیلئے مسیحا بن کر سامنے آئے ہیں۔اُس پار مودی اور اِس پار مودی کے یاروں کو کیفرکردار تک پہنچا رہے ہیں ۔پی ٹی آئی کشمیریوں کی حقیقی فلاح و بہبود کا مشن لیکرآزاد کشمیر پہنچی ہے۔کشمیر صرف کپتان کا ہےاورکپتان ہی کشمیریوں کے رہنما ہیں
— Dr. Firdous Ashiq Awan (@Dr_FirdousPTI) July 15, 2021
انہوں نے کہا کہ تحریک انصاف کشمیریوں کی حقیقی فلاح و بہبود کا مشن لے کر آزاد کشمیر پہنچی ہے، کشمیر صرف کپتان کا ہے اور کپتان ہی کشمیریوں کے رہنما ہیں۔
فردوس عاشق اعوان کا کہنا تھا کہ کشمیریوں نے مسلم لیگ ن اور پیپلز پارٹی کو آزما کر دیکھ لیا، دونوں جماعتوں نے صرف اپنی جیبیں بھرنے کے علاوہ کشمیریوں کے لیے کچھ نہ کیا۔
انہوں نے مزید کہا کہ مودی اور جندل کے یار نے کشمیریوں کی پیٹھ میں چھرا گھونپا، جعلی راجکماری اور ظل سبحانی سے کوئی پوچھے کہ برسوں اقتدار کے باوجود انہوں نے کشمیریوں کے لیے کیا کیا؟
کشمیریوں نے ن لیگ اور پیپلزپارٹی کو آزما کر دیکھ لیا۔دونوں جماعتوں نے صرف اپنی جیبیں بھرنے کے علاوہ کشمیریوں کیلئے کچھ نہ کیا۔مودی اور جندل کے یار نے کشمیریوں کی پیٹھ میں چھرا گھونپا۔جعلی راجکماری,ظل سبحانی سے پوچھےبرسوں اقتدار کے باوجوداِس پار اور اُس پار کے کشمیریوں کیلئے کیا؟
— Dr. Firdous Ashiq Awan (@Dr_FirdousPTI) July 15, 2021
