اسلام آباد : معاون خصوصی برائے اطلاعات ڈاکٹر فردوس عاشق اعوان نے کہا ہے کہ بیگم صفدر اعوان صاحبہ عمران خان کے بغض میں حقائق کومسخ نہ کریں۔
یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی۔ ان کا کہنا تھا کہ جنرل کیانی نے یوسف رضا گیلانی کے ساتھ امریکہ کا دورہ کیاتھا۔
جنرل راحیل شریف دورہ سعودی عرب پر آپ کے والد نواز شریف کے ساتھ تھے، جنرل قمر جاوید باجوہ اور شاہد خاقان عباسی نے بھی سعودی عرب کا دورہ کیا، فردوس عاشق اعوان کا کہنا تھا کہ کیا یہ تین وزرائے اعظم سلیکٹڈ تھے؟،
علاوہ ازیں معاون خصوصی برائے اطلاعات فردوس عاشق اعوان نے کہا ہے کہ ن لیگ اور زرداری خاندان سے کوئی ڈیل نہیں ہو رہی۔ اپوزیشن کا سیاسی ٹولہ سیاسی گھٹن کا شکار ہے۔
انہوں نے کہا کہ جج وڈیو بلیک میلنگ اسکینڈل میں اپوزیشن خود کو زندہ رکھنے کیلئے جھوٹی خبریں پھیلائی جا رہی ہیں۔
