The news is by your side.

Advertisement

عدالتی فیصلے سے وہ قوتیں مایوس ہوئیں جوعدم استحکام چاہتی ہیں، فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان نے کہا ہے کہ عدالتی فیصلے سے وہ قوتیں مایوس ہوئیں جو ملک میں عدم استحکام چاہتی ہیں۔

تفصیلات کے مطابق معاون خصوصی برائے اطلاعات فردوس عاشق اعوان نے کہا کہ ہمارا مقابلہ اس مافیا سے ہے جو اسٹیٹس کو قائم رکھنا چاہتے ہے، پی ٹی آئی نے قانون کی حکمرانی اور عدلیہ کی آزادی کا علم بلند کیا۔

فردوس عاشق اعوان نے کہا کہ عدلیہ کی آزادی کے لیے جیل گئے پر اصولی موقف پر قائم رہے، مافیا غیریقینی صورت حال پیدا کرکے عدم استحکام چاہتے ہیں، ایسے مافیا اور بیرونی دشمن اپنے عزائم میں ناکام ہوں گے۔

انہوں نے کہا کہ وزیراعظم نے ترجمانوں کو معاشی میدان میں کامیابیوں سے آگاہ کیا، وزیراعظم نے زور دیا کہ معاشی بہتری سے عوام کو آگاہ کیا جائے۔

مزید پڑھیں: عمران خان ہر محاذ پر شاطرانہ چالوں کا مقابلہ کر رہے ہیں اور کرتے رہیں گے، معاون خصوصی

فردوس عاشق اعوان نے کہا کہ وزیراعظم نے ہدایت کی کہ پارٹی منشور کو عملی جامہ پہنایا جائے، عمران خان نے کہا وہ عدلیہ اور عدالتی فیصلے کا احترام کرتے ہیں، وزیراعظم نے قانونی ٹیم کی کاوشوں کو بھی سراہا۔

واضح رہے کہ اس سے قبل فردوس عاشق اعوان کا کہنا تھا عمران خان ہر محاذ پر شاطرانہ چالوں کا مقابلہ کر رہے ہیں اور کرتے رہیں گے۔

ان کا ن لیگ پر تنقید کرتے ہوئے اپنے بیان میں کہنا تھا کہ لیگی ترجمانوں کواپنےقائدکےپلیٹ لیٹس کےبجائے سیاست کی فکر ہے، آج ظل سبحانی کی صحت سےمتعلق دعاکی اپیل کیوں نہیں کی؟ آپ منتخب وزیراعظم پر تنقید کرکے اپنا قد اونچا کرنے کی کوشش کر رہےہیں۔

fb-share-icon0
Tweet 20

Comments

comments

یہ بھی پڑھیں