The news is by your side.

Advertisement

فردوس شمیم نقوی نے استعفیٰ دینے کی وجوہات بتادیں

کراچی: سندھ اسمبلی میں قائد حزب اختلاف فردوس شمیم نقوی نے استعفیٰ دینے کی وجوہات بتادیں۔

اے آر وائی نیوز کی رپورٹ کے مطابق قائد حزب اختلاف اور پی ٹی آئی رہنما فردوس شمیم نقوی کا کہنا ہے کہ جس دن سوئی گیس پر بیان دیا اسی وقت معافی کے ساتھ استعفیٰ پیش کیا تھا۔

انہوں نے کہا کہ میں پارٹی ورکر ہوں، میرا استعفیٰ چیئرمین کے پاس ہے، چیئرمین پی ٹی آئی کی مرضی ہے وہ منظور کریں یا نہ کریں۔

فردوس شمیم نقوی نے کہا کہ میں نے اپنی غلطی کا اعتراف کرتے ہوئے استعفیٰ بھیجا تھا، کراچی کے شہریوں نے پی ٹی آئی کو ووٹ دیا ہے، ہمیں ڈیلیور کرنا ہے، شہر میں گیس اور بجلی کا مسئلہ حل ہونا چاہئے۔

مزید پڑھیں: قائد حزب اختلاف فردوس شمیم نقوی نے اپنا استعفیٰ گورنر سندھ کے حوالے کردیا

واضح رہے پاکستان تحریک انصاف نے سندھ اسمبلی میں اپوزیشن لیڈر فردوس شمیم نقوی سےاستعفیٰ طلب کیا تھا، ذرائع کا کہنا تھا کہ فردوس شمیم نقوی کی بہ طور اپوزیشن لیڈر کارکردگی بہتر نہیں تھی جس پر ان سے استعفیٰ طلب کیا گیا ہے۔

ذرایع کا کہنا تھا کہ فردوس شمیم نقوی کے متنازع بیانات سے بھی مسائل پیدا ہوئے، کچھ ایم پی ایز کو فردوس شمیم نقوی سے سخت رویے کی بھی شکایات تھیں، اور ان سے استعفیٰ وزیر اعظم عمران خان کی جانب سے طلب کیا گیا ہے۔

علاوہ ازیں فردوس شمیم کا استعفیٰ منظور ہونے کے بعد کسی دوسرے رکن کو سندھ اسمبلی میں اپوزیشن لیڈر بنایا جائے گا۔

Comments

یہ بھی پڑھیں